ഡ്രൈവറെ ആക്രമിച്ച് ഓട്ടോറിക്ഷയും ഏഴായിരം രൂപയും കവര്‍ന്നു

കരിമണ്ണൂര്‍: ഓട്ടോഡ്രൈവറെ ആക്രമിച്ച് ഓട്ടോറിക്ഷയും ഏഴായിരം രൂപയും തട്ടിയെടുത്തു. സംഭവത്തെക്കുറിച്ച് കാഞ്ഞാര്‍ പോലീസ് അന്വേഷണം തുടങ്ങി. ഉടുമ്പന്നൂരില്‍ വച്ചാണ് കദളിപ്പറമ്പില്‍ ഗോപാലകൃഷ്ണന്‍ എന്നയാളുടെ വെള്ളിമൂങ്ങ ടൈപ്പ് ഓട്ടോറിക്ഷയും ഓട്ടോയിലുണ്ടായിരുന്ന 7000 രൂപയും കവര്‍ന്നത്. പടിഞ്ഞാറെ കോടിക്കുളം സ്വദേശി റെജിയുടെ നേതൃത്വത്തിലുള്ള നാലംഗസംഘമാണ് സംഭവത്തിന് പിന്നിലെന്ന് ഗോപാലകൃഷ്ണന്‍ മൊഴി നല്‍കിയിട്ടുണ്ട്. ഗോപാലകൃഷ്ണന്റെ ഓട്ടോറിക്ഷ മുന്‍പ്കുളമാവില്‍ വച്ച് ഒരു വാഹനവുമായി തട്ടിയിരുന്നു. ഇതില്‍ നഷ്ടപരിഹാരം ആവശ്യപ്പെട്ടാണ് ഓട്ടോറിക്ഷ തട്ടിക്കൊണ്ടുപോയതെന്നാണ് പറയപ്പെടുന്നത്.