തൊടുപുഴ : ഭര്ത്താവിനെയും ഏക മകനെയും മരണം കവര്ന്നു…. താമസിച്ചു കൊണ്ടിരുന്ന വാടകവീട് ഒഴിഞ്ഞു കൊടുക്കണമെന്ന് വീട്ടുടമ ആവശ്യപ്പെട്ടിരിക്കുകയാണ്. ഭാവി ഇരുള് വീണ് നൊമ്പരം ഉള്ളിലൊതുക്കി കഴിയുകയാണ് മുതലിയാര്മഠം എഴുത്തുപള്ളിയില് പ്രസന്ന സോമന്. ഏഴ് വര്ഷം മുന്പാണ് ഇവരുടെ മകന് മനേഷ് ബൈക്ക് അപകടത്തില് മരണമടഞ്ഞത്. കുടുംബത്തിലെ കാര്യങ്ങള് അന്വേഷിച്ചു കൊണ്ടിരുന്നത് മനേഷായിരുന്നു. പെയിന്റിംഗ് തൊഴിലാളിയായിരുന്ന ഭര്ത്താവ് സോമന് കാന്സര് ബാധിച്ചതോടെ വീട്ടിലെ ചിലവും മരുന്നും വാങ്ങാനുള്ള പണത്തിനായി വസ്തു വില്ക്കേണ്ടിവന്നു. അങ്ങിനയൊണ് വാടകവീട്ടില് കഴിയേണ്ടിവന്നത്. രോഗത്തോട് പടപൊരുതി തോറ്റ് സോമന് മൂന്ന് മാസത്തിന് മുന്പ് മരണത്തിന് കീഴടങ്ങി. പിന്നീട് പ്രസന്ന ചെറിയ ജോലികളൊക്കെ ചെയ്താണ് ജീവിച്ചത്. അടുത്തിടെ പ്രസന്നയ്ക്കും അസുഖം ബാധിച്ചു. കാല്മുട്ടും നട്ടെല്ലും തേയുന്നതാണ് രോഗമെന്ന് ഡോക്ടര്മാര് കണ്ടെത്തിയെങ്കിലും ചികിത്സിക്കാന് പണമില്ലാതെ ഉഴലുകയാണ്. അടുത്ത ബന്ധുക്കളും നാട്ടുകാരും സഹായിക്കുന്നതിനാലാണ് ആഹാരം കഴിക്കാനാകുന്നത്.
ചികിത്സാ സഹായത്തിന് ഉദാരമതികളുടെ സഹായം തേടി കാത്തിരിക്കുകയാണ് ഈ അമ്മ. സഹായിക്കാന് താല്പ്പര്യമുള്ളവര് തൊടുപുഴ കാത്തലിക് സറിയന്ബാങ്കില് അക്കൗണ്ടുമായി ബന്ധപ്പെടണം. 017602684566-190001, ഫോണ് നമ്പര്: 9656325663
