കട്ടപ്പന : കുമളി മേനോന്മേട്ടിലും പരിസരപ്രദേശങ്ങളിലും ബിഎംഎസ് പ്രവര്ത്തകര്ക്ക് നേരെ സിഐറ്റിയുക്കാരുടെ ആക്രമണം പതിവാകുന്നു. അടുത്തിടെ വിവിധ പാര്ട്ടികളില് നിന്നും ബിജെപിയിലേക്കും ബിഎംഎസിലേക്കും നിരവധിപ്പേര് എത്തിയിരുന്നു. സിഐറ്റിയു പ്രവര്ത്തകന് ധര്മ്മരാജന്റെ നേതൃത്വത്തിലുള്ള സംഘമാണ് ആക്രമണങ്ങള്ക്ക് നേതൃത്വം നല്കിയത്. തോട്ടം മേഖലയില് താമസിക്കുന്ന ആളുകളെയാണ് സി.ഐ.റ്റി.യു.ക്കാര് ആക്രമിച്ചത്. അക്രമ സംഭവത്തില് പോലീസ് കേസെടുത്തെങ്കിലും പ്രതികളെ അറസ്റ്റ് ചെയ്യാത്തത് അക്രമസാധ്യത വര്ദ്ധിപ്പിക്കുന്നു. അക്രമത്തിലൂടെ ബിഎംഎസിന്റെ വളര്ച്ച തടയാമെന്ന ധാരണയാണ് സിഐറ്റിയുക്കാര്ക്കുള്ളതെന്ന് ബിഎംഎസ് ജില്ലാ സെക്രട്ടറി ബി.വിജയന് ആരോപിച്ചു. യോഗത്തില് ജില്ലാ വൈസ് പ്രസിഡന്റ് കെ.കെ വിജയന്, മേഖല ജോയിന്റ് സെക്രട്ടറി സിജു എന്നിവര് പ്രസംഗിച്ചു. പ്രതികളെ അറസ്റ്റ് ചെയ്യുന്നതിന് പോലീസ് പുലര്ത്തുന്ന അലംഭാവത്തിനെതിരെ പോലീസ് സ്റ്റേഷന് മാര്ച്ച് ഉള്പ്പെടെയുള്ള സമര പരിപാടികളുമായി രംഗത്തിറങ്ങാനാണ് തീരുമാനിച്ചിരിക്കുന്നത്.
പോലീസ് ഒത്താശ; മേനോന്മേട്ടില് സിഐറ്റിയു വിളയാട്ടം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.