തൊടുപുഴ : മദ്യ ലഹരിയില് മധ്യവയസ്കന് സ്വന്തം വീടിന് തീവച്ചു. പടിഞ്ഞാറെ കോടിക്കുളം കുളത്തിങ്കല് സിറ്റിക്ക് സമീപം താമസിക്കുന്ന കഞ്ഞിക്കുഴിയില് ബാബുവാണ് വീട് കത്തിച്ചത്. ഇന്നലെ വൈകിട്ട് നാലുമണിയോടെയായിരുന്നു സംഭവം. ബാബു മദ്യപിച്ച് വഴക്കുണ്ടാക്കുന്നത് നിത്യസംഭവമായിരുന്നു.
ഇന്നലെ വൈകിട്ട് വീട്ടിലെ മറ്റ് അംഗങ്ങളുമായി വഴക്കിട്ട് വീടിന് തീയിടുകയായിരുന്നു. നാട്ടുകാര് അറിയിച്ചതിനെത്തുടര്ന്ന് തൊടുപുഴയില് നിന്നുള്ള പോലീസ് സംഘം രണ്ട് മണിക്കൂര് പരിശ്രമിച്ചതിന് ശേഷമാണ് തീയണച്ചത്. ബാബുവിനെ പോലീസ് അറസ്റ്റ്
ചെയ്തു.
