മറയൂര് : ഊരുവിലക്കിനെത്തുടര്ന്ന് മറയൂര് കീഴാന്തൂര് കുടിയില് ആദിവാസികള് ഏറ്റുമുട്ടിയ സംഭവത്തില് ചികിത്സയിലായിരുന്ന പ്രതിയെ ദുരൂഹ സാഹചര്യത്തില് കാണാതായി. കീഴാന്തൂര് കുടിയിലെ ഹരിരാമന് (61)നെയാണ് നെടുങ്കണ്ടത്തെ സര്ക്കാര് ആശുപത്രിയില് നിന്നും കാണാതായത്. അക്രമത്തില് പോലീസിന്റെ നോട്ടപ്പുള്ളിയായ ഇയാള് മുങ്ങിയതാണ് എന്ന നിലപാടാണ് അന്വേഷണ സംഘത്തിനുള്ളത്. അക്രമത്തില് ഗുരുതരമായി പരിക്കേറ്റ ഗോപാലകൃഷ്ണന് അബോധാവസ്ഥയില് കോയമ്പത്തൂര് മെഡിക്കല് കോളേജില് കഴിയുകയാണ്. ഇയാളുടെ നില അതീവ ഗുരുതരമാണെന്ന് ആശുപത്രി അധികൃതര് പോലീസിനെ അറിയിച്ചിട്ടുണ്ട്. തലയ്ക്കാണ് ഗുരുതരമായി പരിക്കേറ്റിരിക്കുന്നത്. കഴിഞ്ഞ വെള്ളിയാഴ്ച പകലായിരുന്നു സംഭവങ്ങളുടെ തുടക്കം. ഊരുവിലക്കപ്പെട്ട ഹരിരാമനെ ഗോപാലകൃഷ്ണന്റെ നേതൃത്വത്തിലുള്ള നാട്ടുകൂട്ടം ആക്രമിച്ചതാണ് കുടിയില് അക്രമം വ്യാപിക്കാന് കാരണമായത്. മൂന്നാര് എ.സി.പി.യുടെ നേതൃത്വത്തിലുള്ള പോലീസ് സംഘം സംഭവസ്ഥലം സന്ദര്ശിച്ചു. ആരെയും അറസ്റ്റ് ചെയ്തിട്ടില്ല. പ്രദേശത്ത് മറയൂര് പോലീസ് പിക്കറ്റിംഗ് ഏര്പ്പെടുത്തിയിട്ടുണ്ട്.
കീഴാന്തൂര് സംഘര്ഷം; പരിക്കേറ്റയാള് ആശുപത്രിയില് നിന്നും മുങ്ങി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.