പുതിയ സ്മാര്‍ട്ട് ഫോണുകളുമായി പാനസോണിക്

കൊച്ചി: പാനസോണിക് കേരളത്തില്‍ ടി 41, പി 41, പി 61 എന്നീ  മൂന്നു പുതിയ സ്മാര്‍ട്ട് ഫോണുകള്‍ കൂടി അവതരിപ്പിച്ചു.

ആകര്‍ഷകമായ രൂപകല്‍പ്പനയും പ്രകടനവുമായെത്തുന്ന ഈ ശ്രേണിയില്‍ ജനപ്രിയ ആപ്പുകള്‍ പ്രീ ലോഡഡ് ആയി നല്‍കിയിട്ടുമുണ്ട്.

ക്വാഡ് കോര്‍ 1.3 ജിഗാ ഹെര്‍ട്‌സ് പ്രോസസറുകളും ഏറ്റവും പുതിയ ആന്‍ഡ്രോയ്ഡ് 4.4.2 കിറ്റ്കാറ്റും പൂര്‍ണമായും എച്ച്.ഡി. ക്യാമറയും ഓട്ടോ ഫോക്കസും എല്‍.ഇ.ഡി. ഫഌഷുമെല്ലാം ഉള്‍പ്പെടുത്തിയാണ് ഈ മൂന്നു ഫോണുകളും എത്തുന്നത്.

ഒരു സ്‌ക്രീനില്‍ നിന്നു മറ്റൊരു സ്‌ക്രീനിലേക്കു ഗ്ലൈഡു ചെയ്യാനും ആപ്പുകള്‍ പോപ്പ് ഔട്ടു ചെയ്യാനും സഹായിക്കുന്ന ഗ്ലൈഡ് പ്ലേ ആണ് മറ്റൊരു സവിശേഷത. പോപ്പ് ഐ പ്ലെയര്‍, മ്യൂസിക് കഫേ, ജെസ്റ്റര്‍ പ്ലേ പ്ലസ് എന്നിവയെല്ലാം ഈ ഫോണുകളില്‍ ഉള്‍പ്പെടുത്തിയിട്ടുണ്ട്.