പാലാ: കാരിക്കോട് ശ്രീസരസ്വതി വിദ്യാമന്ദിര് സീനിയര് സെക്കന്ഡറി സ്കൂളിന്റെ രജതജൂബിലി ആഘോഷങ്ങളുടെ ഭാഗമായി ഈ വര്ഷത്തെ ഗുരുപൂര്ണ്ണിമ ആഘോഷം ഗുരുവന്ദനമായി ആചരിച്ചു. ഗുരുപൂര്ണ്ണിമ ആഘോഷത്തില് വിദ്യാഭ്യാസ മേഖലയില് സേവനം അനുഷ്ഠിച്ച 35 ഗുരുക്കന്മാരെ കുട്ടികള് പാദപൂജ ചെയ്ത് പൊന്നാടയണിയിച്ച് ആദരിച്ചു.
സ്കൂള് ഓഡിറ്റോറിയത്തില് നടന്ന ചടങ്ങില് രാഷ്ട്രീയ സ്വയംസേവകസ് സംഘം എറണാകുളം വിഭാഗ് സംഘചാലക് എം.എ വാസുദേവന് നമ്പൂതിരി അധ്യക്ഷപ്രഭാഷണം നടത്തി. ഭാരതീയ വിദ്യാനികേതന് സംസ്ഥാന ഉപാധ്യക്ഷന് ഡോ. സി.ആര് വിനോദ്കുമാര് മുഖ്യപ്രഭാഷണം നടത്തി. റവ. ഫാദര് ജോര്ജ്ജ് സി. ചാലപ്പുറം ഗുരുപൂജാദിന സന്ദേശം നല്കി. ഭാരതീയ വിദ്യാനികേതന് കോട്ടയം ജില്ലാ സെക്രട്ടറി കെ.ആര് റെജി, സ്കൂള് സെക്രട്ടറി കെ.റ്റി ഉണ്ണികൃഷ്ണന്, എം.ആര് ഷാജി, എന്.മധു, ക്ഷേമസമിതി ചെയര്മാന് ശ്രീകുമാര് എസ്. കൈമള്, പ്രിന്സിപ്പല് പി. വേണുഗോപാല്, സ്കൂള് ചെയര്പേഴ്സണ് ഗംഗാ പി. രവീന്ദ്രന് എന്നിവര് സംസാരിച്ചു.
ചാന്നാനിക്കാട്: ഗുരുപൂജാ മഹോത്സവത്തോടനുബന്ധിച്ച് ചാന്നാനിക്കാട് സ്വാമി വിവേകാനന്ദ പബ്ലിക്സ്കൂളില് നടന്ന പരിപാടിയില് മഹാത്മാഗാന്ധി യൂണിവേഴ്സിറ്റി വിവേകാനന്ദ ചെയര് അധ്യക്ഷന് പ്രൊഫ. ഒ.എം മാത്യുവിനെ വിവേകാന്ദസ്കൂള് കുടുംബം ആദരിച്ചു. തുടര്ന്ന് ബാലഗോകുലം സംസ്ഥാന രക്ഷാധികാരി പ്രൊഫ. സി.എന് പുരുഷോത്തമന് ഗുരുപൂജ സന്ദേശം നല്കി.
ചാന്നാനിക്കാട് പ്രദേശത്തുള്ള മുതിര്ന്ന ഏഴ് അധ്യാപകരെയും ചടങ്ങില് ആദരിച്ചു. സ്കൂള് പ്രവര്ത്തകസമിതി പ്രസിഡന്റും പനച്ചിക്കാട് ദക്ഷിണമൂകാംബി ക്ഷേത്രമാനേജരുമായ കെ.എന് നാരായണന് നമ്പൂതിരി അധ്യക്ഷതവഹിച്ചു. സ്കൂള് പ്രിന്സിപ്പല് വി.കെ ഉണ്ണികൃഷ്ണന്, സ്കൂള് പ്രവര്ത്തക സമിതി വൈസ് പ്രസിഡന്റ് കെ.യു ശാന്തകുമാര് എന്നിവര് സംസാരിച്ചു.
