കോട്ടയം: അഴിമതി നിറഞ്ഞ രാഷ്ട്രീയരംഗം രാഷ്ട്രത്തിന് വരുത്തിയ ദുരന്തം മുന്കൂട്ടികണ്ട് സ്വയം സമര്പ്പിച്ച കെ.ജി. മാരാരുടെ ജീവിതം പൊതുപ്രവര്ത്തകര്ക്ക് മാതൃകയാണെന്ന് മാരാര്ജി അനുസ്മരണയോഗത്തില് പങ്കെടുത്ത് ബിജെപി സംസ്ഥാന സമിതിയംഗം പി.കെ. രവീന്ദ്രന് പറഞ്ഞു. ലളിതവും ത്യാഗപൂര്ണ്ണവുമായ ജീവിതംകൊണ്ട് മാതൃകയാക്കേണ്ട കെ.ജി. മാരാരുടെ പാത പിന്തുടര്ന്ന് ബിജെപി പ്രവര്ത്തകര് പാര്ട്ടിയെ കൂടുതല് ശക്തമാക്കണമെന്നും അദ്ദേഹം പറഞ്ഞു.
യോഗത്തില് ജില്ലാ പ്രസിഡന്റ് ഏറ്റുമാനൂര് രാധാകൃഷ്ണന് അദ്ധ്യക്ഷത വഹിച്ചു. സംസ്ഥാന ട്രഷറര് എം.ബി. രാജഗോപാല്, ജില്ലാ സെക്രട്ടറിമാരായ പി. സുനില്കുമാര്, കെ.യു. ശാന്തകുമാര്, ഇ.കെ. വിജയകുമാര്, ജനറല് സെക്രട്ടറി എന്. ഹരി, മണ്ഡലം പ്രസിഡന്റ് സി.എന്. സുഭാഷ് എന്നിവര് പ്രസംഗിച്ചു.
വാഴൂര്: കെ.ജി മാരാരുടെ 19-ാം സ്മൃതിദിനം ആചരിച്ചു. കൊടുങ്ങൂര് മാരാര്ജി ഭവനില് നടന്ന അനുസ്മരണ ചടങ്ങില് ആര്എസ്എസ് താലൂക്ക് ബൗദ്ധിക്ക് പ്രമുഖ് ബി. രാജീവ് അനുസ്മരണ പ്രഭാഷണം നടത്തി. എം.കെ. മോഹനന് അധ്യക്ഷതവഹിച്ചു. ഗ്രാമപഞ്ചായത്തംഗം വി.എന് മനോജ്, അഭിഭാഷക പരിഷത്ത് സംസ്ഥാന സെക്രട്ടറി അഡ്വ. ബി. രാജേഷ്, ടി.ബി ബിനു, ഇ.ആര് പ്രസന്നന്, വാസുദേവക്കുറുപ്പ് തുടങ്ങിയവര് സംസാരിച്ചു. പ്രവര്ത്തകര് മാരാര്ജിയുടെ ചിത്രത്തില് പുഷ്പാര്ച്ചനയും നടത്തി.
പ്രതികരിക്കാൻ ഇവിടെ എഴുതുക: