കോട്ടയം: മലയാള ബ്രാഹ്മണരിലെ മൂസത്, മൂത്തത്, ശര്‍മ്മ എന്നീ വിഭാഗങ്ങളില്‍പ്പെട്ടവരുടെ സംഘടനയായ ശിവദ്വിജ സേവാസമിതിയുടെ പഠന ശിബിരം ‘പഞ്ചാക്ഷരി 2013’ കുമാരനല്ലൂര്‍ ദേവീവിലാസം എച്ച്എസ്എസ്സില്‍ 24 മുതല്‍ 26 വരെ നടക്കും.
15നും 25നും മദ്ധ്യേ പ്രായമുള്ള കുട്ടികള്‍ക്കായാണ് ശിബിരം നടത്തുന്നത്. വിദഗ്‌ദ്ധര്‍ നയിക്കുന്ന ക്ലാസുകള്‍, പ്രതിഭാസംഗമം, പ്രതിഭാ പുരസ്‌കാരം, ഉല്ലാസ കായല്‍യാത്ര എന്നിവ സംഘടിപ്പിക്കുമെന്ന് ഭാരവാഹികള്‍ പത്രസമ്മളനത്തില്‍ അറിയിച്ചു.
24ന് രാവിലെ 9ന് ശിവദ്വിജ സേവാസമിതി പ്രസിഡന്റ് കെ.ബിഎന്‍ മൂസത് ഉദ്ഘാടനം ചെയ്യും.
സുധാ പരമേശ്വരന്‍ അദ്ധ്യക്ഷത വഹിക്കും. 25ന് വൈകിട്ട് 3ന് സമാപന സമ്മേളനം ഉദ്ഘാടനവും പുരസ്‌കാര സമര്‍പ്പണവും മന്ത്രി തിരുവഞ്ചൂര്‍ രാധാകൃഷ്ണന്‍ നിര്‍വ്വഹിക്കും. പി.എസ്.നാരായണന്‍ മൂസ്സ് അദ്ധ്യക്ഷത വഹിക്കും. ഡി.ഹരിനാരായണന്‍, കെ.എ.മുരളി, ടി.പി.ഹരികുമാര്‍ എന്നിവര്‍ ആശംസകള്‍ അര്‍പ്പിക്കും. പത്രസമ്മേളനത്തില്‍ കണ്‍വീനര്‍ പി.എസ്.നാരായണന്‍ മൂസ്സ്, സെക്രട്ടറി ബിജുരാജ് കെ.പി. എന്നിവര്‍ പങ്കെടുത്തു.
