വൈക്കം: ശാന്തിഗിരി ആശ്രമസ്ഥാപകഗുരു നവജ്യോതി ശ്രീ കരുണാകരഗുരുവിന്റെ മതാ തീത ആത്മീയതയും ഗൃഹസങ്കല്പവും മുന്നിര്ത്തി ശാന്തിഗിരി ആശ്രമം രാജ്യാന്തര തലത്തില് സംഘടിപ്പിക്കുന്ന ശാന്തിഗിരി സത്സംഗം 2013 ഡിസംബര് 8ന് വൈക്കത്ത് നടക്കും.
മനുഷ്യാവകാശ കമ്മീഷന് രക്ഷാധികാരി കൂടിയായ ശാന്തിഗിരി ആശ്രമം ഓര്ഗനൈസിംഗ് സെക്രട്ടറി സ്വാമി ഗുരുരത്നം ജ്ഞാനതപസ്വി ചടങ്ങിന് ഭദ്രദീപം തെളിയ്ക്കും. ഗുരുവിന്റെ ത്യാഗനിര്ഭരമായ ആത്മീയ ജീവിതത്തിന്റെ ശബ്ദാവിഷ്കാരം സ്വാമി ഗുരുമിത്രന് ജ്ഞാനതപസ്വി, സ്വാമി സായൂജ്യ ജ്ഞാന തപസ്വി, സ്വാമി സ്നേഹാത്മജ ജ്ഞാനതപസ്വി എന്നിവര് ചേര്ന്ന് അവതരിപ്പിക്കും. ശാന്തിഗിരി സത്സംഗം 2013-ന്റെ രജിസ്ട്രേഷന് ബ്രഹ്മചാരി ബിജുവിന്റെ നേതൃത്വത്തില് വൈക്കം പ്രാര്ത്ഥനാ കേന്ദ്രത്തില് ആരംഭിച്ചു.
സി. കെ. ഭരതന്, ദിനേശന്, ബാലാജി, ജോയിവൈക്കം, സുരേഷ്കൃഷ്ണന്, രവീന്ദ്രനാഥ ടാഗോര്, വി. നന്ദുലാല്, മോഹനന് വെച്ചൂര് എന്നിവര് ചീഫ് കോഡിനേറ്ററന്മാരായി 101 അംഗം സ്വാഗത സംഘം രൂപീകരിച്ചു.
