ആലുവ : തോട്ടക്കാട്ടുകര – കിഴക്കെ കടുങ്ങല്ലൂര് റോഡ് 10 മീറ്റര് വീതിയില് വികസിപ്പിക്കുന്നതിന് അടിയന്തര നടപടി സ്വീകരിക്കണമെന്ന് ഭൂമി നഷ്ടപ്പെട്ടവരുടെയും സമീപവാസികളുടെയും കൂട്ടായ്മ അവശ്യപ്പെട്ടു. അല്ലാത്ത പക്ഷം ജനങ്ങളെ അണിനിരത്തി പ്രക്ഷോഭ പരിപാടികള് സംഘടിപ്പിക്കാനും തോട്ടക്കാട്ടുകരയില് കൂടിയ വിവിധ രാഷട്രീയ കക്ഷിനേതാക്കള്, റസിഡന്റ്സ് അസ്സോസിയേഷനുകള്, കച്ചവടക്കാര് എന്നിവരുടെ യോഗം തീരുമാനിച്ചു.
റോഡിന്റെ വികസനത്തിനായി ഇക്കഴിഞ്ഞ മാര്ച്ചില് കിഴക്കെ കടുങ്ങല്ലൂരില് രാഷ്ട്രീയ പാര്ട്ടികളെയും ഭൂമി നഷ്ടപ്പെട്ടവരെയും ഉള്പ്പെടുത്തി മന്ത്രി ഇബ്രാഹിംകുഞ്ഞ് യോഗം വിളിക്കുകയും റോഡ് വികസനത്തിനായി ഉപസമിതിയെ തെരഞ്ഞെടുക്കുകയും ചെയ്തിരുന്നു. കഴിഞ്ഞമാസം 14ന് ആലുവ എം.എല്.എ അന്വര് സാദത്തിന്റെ അദ്ധ്യക്ഷതയില് പൊതുമരാമത്ത് മന്ത്രി വി.കെ. ഇബ്രാഹിം കുഞ്ഞ് ആലുവായില് ഉപസമിതിയോഗം വിളിക്കുകയും ഉപസമിതി അംഗങ്ങളായ ആലുവ നഗരസഭ ചെയര്മാന് എം.ടി.ജേക്കബ്, കടുങ്ങല്ലൂര് പഞ്ചായത്ത് പ്രസിഡന്റ് കെ.കെ.ജിന്നാസ്, ആലങ്ങാട് പഞ്ചായത്ത് പ്രസിഡന്റ് പ്രസാദ് ഭൂമി നഷ്ടപ്പെടുവരുടെ പ്രതിനിധി എന്നിവരടങ്ങുന്ന ഉപസമിതി റോഡിന്റെ വീതി 10 മീറ്ററായി നിജപ്പെടുത്തുകയും ഉടന് തന്നെ സര്വ്വെ നടപടികള് ആരംഭിക്കുന്നതിനും തീരുമാനിച്ചു. ഇത് പ്രകാരം പൊതുമരാമത്ത് രണ്ടാഴ്ച മുന്പ് തോട്ടക്കാട്ടുകര മുതല് പെരിക്കപ്പാലം വരെ 10 മീറ്റര് അളവ് മാര്ക്ക് ചെയ്യുകയും ചെയ്തു.
അളവ് തുടങ്ങിയ ദിവസം വികസനം മുടക്കുതിനായി ചില തല്പ്പരകക്ഷികള് രംഗത്ത് വരികയും അത് വരെ ഇല്ലാത്ത ആവശ്യങ്ങള് ഉന്നയിച്ച് പെരിക്കപ്പാലം മുതല് കടുങ്ങല്ലൂര് വരെയും അളവ് തടസ്സപ്പെടുത്തുകയും ചെയ്തു. ചില റിയല് എസ്റ്റേറ്റ് മാഫിയകളും, ഫ്ലാറ്റ്, കണ്ടെയ്നര്, ഗോഡൗണ് മുതലാളിമാരുടെ ഏജന്റുമാരായ ഇവര് 15 മീറ്റര് വീതി എന്ന ആവശ്യവുമായി രംഗത്ത് വന്ന് വികസനം തടസ്സപ്പെടുത്തുകയായിരുന്നു. 15 മീറ്ററില് വികസനം വന്നാല് 150 ഓളം വീടുകള് പൂര്ണ്ണമായി ഇല്ലാതാവുകയും പലരുടെയും കച്ചവടസ്ഥാപനങ്ങള് പൊളിച്ച് മാറ്റേണ്ട അവസ്ഥ ഉണ്ടാവുകയും ചെയ്യും. അക്കാരണത്താല് 10 മീറ്ററില് കൂടുതല് വികസനം അനുവദിക്കില്ലെന്നും യോഗം തീരുമാനിച്ചു.
10 മീറ്റര് റോഡ് വികസനം ഉടന് ആരംഭിക്കണമെന്നാവശ്യപ്പട്ട് പൊതുമരാമത്ത് മന്ത്രി, അന്വര് സാദത്ത് എം.എല്.എ, ആലുവ നഗരസഭാ ചെയര്മാന്, കടുങ്ങല്ലൂര് പഞ്ചായത്ത് പ്രസിഡന്റ്, പൊതുമരാമത്ത് അധികൃതര് എന്നിവര്ക്ക് പരാതി നല്കുകയും ചെയ്തു. യോഗത്തില് നഗരസഭ വൈസ് ചെയര്പേഴ്സണ് ലിസി എബ്രഹാം, ആലങ്ങാട് ബ്ലോക്ക് പഞ്ചായത്ത് വൈസ് പ്രസിഡന്റ് സുരേഷ് മുട്ടത്തില്, നഗരസഭ പ്രതിപക്ഷ നേതാവ് കെ.വി.സുധാകരന്, റസിഡന്റ്സ് അസ്സോസിയേഷന് കടുങ്ങല്ലൂര് മേഖലാ ചെയര്മാന് ശ്രീകുമാര് മുല്ലേപ്പിള്ളി, എഡ്രാക്ക് പ്രസിഡന്റ് ജയപ്രകാശ്, കൗണ്സിലര്മാരായ ദീപ, ലിസ്സ, ഉമാലൈജി, കെ.ബി. മുഹമ്മദ് ബഷിര്, കോണ്ഗ്രസ്സ് തോട്ടക്കാട്ടുകര പ്രസിഡന്റ് ടി.ടി.ജോര്ജ്, സി.പി.ഐ ആലുവ ലോക്കല് കമ്മറ്റി സെക്രട്ടറി കെ.ജെ. ഡൊമനിക്ക്, ബി.ജെ.പി. നേതാവ് അഡ്വ: എം.സി.മണി , എസ്.സുനില് കുമാര്, അബ്ദുള് കരിം, സുന്ദരം ഗോപാല് എന്നിവര് പ്രസംഗിച്ചു. അഡ്വ:കെ.എം. ജമാലുദ്ദീന് അദ്ധ്യക്ഷത വഹിച്ചു. അഡ്വ:ജയറാം സ്വാഗതവും എന്. ഗോപി നന്ദിയും പറഞ്ഞു.
