കറാച്ചി: ലോകത്തിലെ ഏറ്റവും മോശം മെഗാസിറ്റിയെന്ന വിശേഷണം പാക്കിസ്ഥാന് നഗരമായ കറാച്ചിക്ക്. പാക്കിസ്ഥാന്റെ ബിസിനസ് ആസ്ഥാനം കൂടിയായ കറാച്ചിയില് കൊലപാതകനിരക്കില് വന് വര്ദ്ധനവാണ്. നഗരത്തില് സ്ഥാനമുറപ്പിക്കുന്ന താലിബാനാണ് കള്ളക്കടത്തിനും കൊലപാതകത്തിനും മുന്പന്തിയിലുള്ളതെന്നാണ് മാധ്യമങ്ങള് റിപ്പോര്ട്ട് ചെയ്യുന്നത്.
കഴിഞ്ഞ അര ദശാബ്ദത്തിനുള്ളില് സംഘര്ഷഭരിതമായ വടക്ക പടിഞ്ഞാറന് മേഖലയില് നിന്ന് ലക്ഷക്കണക്കിന് ആളുകളാണ് സുരക്ഷിതമായ താവളവും ജോലിയും തേടി പാക്കിസ്ഥാനിലെത്തുന്നത്. ഇതിന്റെ ഫലമായി കുറ്റകൃത്യങ്ങളുടെ എണ്ണം കൂടുകയും ഒരു ലക്ഷത്തോളം വരുന്ന നഗരവാസികള്ക്കിടയില് നരഹത്യകളുടെ എണ്ണം 12.3 ശതമാനമായി കൂടുകയും ചെയ്തതായി ഒരു വിദേശ മാഗസിന് നടത്തിയ പഠനറിപ്പോര്ട്ടില് പറയുന്നു.
2000 മുതല് 2010 വരെയുള്ള കാലയളവില് നഗരത്തിന്റെ ജനസംഖ്യ 80 ശതമാനമായി ഉയര്ന്നു. ഇത് പത്ത് വര്ഷത്തിനിടയിലുള്ള ന്യൂയോര്ക്ക് ജനസംഖ്യയേക്കാള് അധികമാണെന്നും റിപ്പോര്ട്ട് ചൂണ്ടിക്കാണിക്കുന്നു.
കഴിഞ്ഞ നാല് വര്ഷത്തിനിടയില് ന്യൂനപക്ഷമായ ഷിയ സമുദായത്തിനും അവരുടെ മോസ്ക്കുകള്ക്കും നേരെ ക്രൂരമായ ആക്രമണമാണ് ഭൂരിപക്ഷമായ സുന്നി മുസ്ലീങ്ങള് നടത്തുന്നത്. അടുത്തിടെയായി കറാച്ചിയില് ശക്തമായ കാല്വയ്പ് നടത്താന് താലിബാന് കഴിഞ്ഞിട്ടുണ്ട്. വിവിധ വിഭാഗങ്ങള് തമ്മിലുള്ള ആക്രമണങ്ങളും കൊലപാതകങ്ങളും നഗരത്തില് പതിവായിരിക്കുകയാണെന്നും ഈ റിപ്പോര്ട്ട് പറയുന്നു.
അധോലോകനായകന്മാരുടെ നഗരമെന്നറിയപ്പെടുന്ന മുംബൈയില് 2011 ല് 202 കൊലപാതകങ്ങള് നടന്നപ്പോള് കറാച്ചിയില് ഇത് 1, 723 ആയിരുന്നതായും 2012 ല് ഇത് രണ്ടായിരം കടന്നെന്നും റിപ്പോര്ട്ട് വ്യക്തമാക്കുന്നുണ്ട്.
