മുണ്ടക്കയം: റോഡ് മുറിച്ചു കടക്കുന്നതിനിടെ ബസിനടിയില്പ്പെട്ട വീട്ടമ്മ അത്ഭുതകരമായി രക്ഷപ്പെട്ടു.മുണ്ടക്കയം തെക്കേക്കര ശിവദാസകൈമളിന്റെ ഭാര്യ പൊന്നമ്മ(67) യാണ് ബസിനടിയില് നിന്നും നൂലിഴ വിത്യാസത്തില് രക്ഷപ്പെട്ടത്. ഇന്നലെ വൈകിട്ട് നാലേമുക്കോടെ മുണ്ടക്കയം പ്രൈവറ്റ് ബസ്സ് സ്റ്റാന്റ് കവാടത്തിലാണ് അപകടം നടന്നത്.റേഷന് സാധനങ്ങള് വാങ്ങി ദേശീയ പാതയോരത്തുകൂടി നടന്നു വന്ന വീട്ടമ്മ ബസ്റ്റ് സ്റ്റാന്റ് റോഡിലേക്ക് കയറി കുറുകെ കടക്കുന്നതിനിടയില് സ്വകാര്യ ബസ് പിന്നില് നിന്നും ഇടിക്കുകയായിരുന്നു ഇടിയുടെ ശക്തിയില് മുന്നോട്ട് തെറിച്ച് വീണെങ്കിലും ഇടിച്ചതറിയാതെ ഡ്രൈവര് വാഹനം മുന്നോട്ട് എടുക്കുകയായിരുന്നു. ബസിനടിയില് പെട്ട വീട്ടമ്മയുടെ മുകളിലൂടെ ബസ് പകുതി ഭാഗത്തോളം കടന്നപ്പോള് ജനങ്ങളുടെ നിലവിളി കേട്ട് ഡ്രൈവര് ബസ് നിര്ത്തി തുടര്ന്ന് ബസിനടിയില് നിന്ന് വീട്ടമ്മയെ വലിച്ചെടുക്കുകയായിരുന്നു.ഉടന് തന്നെ വീട്ടമ്മയെ മുപ്പത്തിയഞ്ചാം മൈലിലുള്ള സ്വകാര്യ ആശുപത്രിയില് പ്രവേശിപ്പിച്ചു. വീട്ടമ്മയുടെ ഇടതു തോളിന് പൊട്ടലുണ്ട് നാട്ടുകാരുടെ നിലവിളി കേട്ട് ഡ്രൈവര് ബസ് നിര്ത്തിയില്ലായിരുന്നെങ്കില് ബസിനടിയിലെ സ്റ്റെപ്പിനി തട്ടി അപകടമുണ്ടായിരുന്നു.
ബസിനടിയില്പ്പെട്ട വീട്ടമ്മ അത്ഭുതകരമായി രക്ഷപ്പെട്ടു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.