പാലാ: കേരള സ്റ്റേറ്റ് ഫിനാന്ഷ്യല് എന്റര്പ്രൈസസിന്റെ (കെ.എസ്.എഫ്.ഇ) രണ്ട് പുതിയ ശാഖകള് ജൂണ് 23 ഞായറാഴ്ച കോട്ടയം ജില്ലയില് ധന-നിയമ-ഭവന മന്ത്രി കെ.എം.മാണി ഉദ്ഘാടനം ചെയ്യും. ഇതോടെ കെ.എസ്.എഫ്.ഇ. ശഖകളുടെ എണ്ണം 470 ആകും. യു.ഡി.എഫ്. സര്ക്കാര് അധികാരത്തില് വരുമ്പോള് ശാഖകളുടെ എണ്ണം 366 ആയിരുന്നു
കോട്ടയം ജില്ലയില് പാലാ കൊട്ടാരമറ്റം, കൊഴുവനാല് എന്നിവിടങ്ങളിലാണ് പുതിയ കെ.എസ്.എഫ്.ഇ. ശാഖകള് ആരംഭിക്കുന്നത്. കൊട്ടാരമറ്റത്ത് രാവിലെ 11 ന് മുനിസിപ്പല് ചെയര്മാന് കുരിയാക്കോസ് പടവന്റെ അദ്ധ്യക്ഷതയില് ചേരുന്ന ചടങ്ങില് ജോസ് കെ. മാണി എം.പി. മുഖ്യപ്രഭാഷണം നടത്തും.
കൊഴുവനാലില് ഉച്ചയ്ക്ക് 12 ന് നടക്കുന്ന ഉദ്ഘാടനചടങ്ങില് കൊഴുവനാല് ഗ്രാമപഞ്ചായത്ത് പ്രസിഡന്റ് പ്രൊഫ. കൊച്ചുത്രേസ്യാ ഏബ്രഹാം അദ്ധ്യക്ഷത വഹിക്കും. ജോസ് കെ. മാണി എം.പി. മുഖ്യപ്രഭാഷണം നടത്തും.
കെ.എസ്.എഫ്.ഇ ആഗോള മലയാളികള്ക്കായി ഇക്കഴിഞ്ഞ ക്രിസ്തുമസ്-നവവത്സര വേളയിð ഒരുക്കിയ ഭാഗ്യശ്രേയസ്സ് ചിട്ടികളിലെ സംസ്ഥാനതല നറുക്കെടുപ്പിലെ വിജയികള്ക്കുള്ള ഒóാം സമ്മാനമായ 25 പവന് സ്വര്ണ്ണവും രïാം സമ്മാനമായ 5 പവന് സ്വര്ണവും ചടങ്ങില് സമ്മാനിക്കും.
