പൂഞ്ഞാര്: അമ്മയുടെ മനസ്സാണ് ജന്മമെടുത്ത ഒരു കുട്ടിയുടെ ആദ്യത്തെ പാഠശാലയെന്ന് രാഷ്ട്രീയ സ്വയംസേവക സംഘം സംസ്ഥാന പ്രചാരക് പി.ആര്.ശശിധരന് അഭിപ്രായപ്പെട്ടു. പൂഞ്ഞാര് എസ്എംവി സ്കൂളില് വിശ്വഹിന്ദു പരിഷത്ത് സംസ്ഥാന ശിബിരത്തില് സംസാരിക്കുകയായിരുന്നു അദ്ദേഹം. രാഷ്ട്രീയ സ്വയംസേവക സംഘം സ്ഥാപകനായ ഡോക്ടര് ഹെഡ്ഗേവാര്, ഗുരുജി ഗോള്വല്ക്കര് എന്നിവരില് രാഷ്ട്രസ്നേഹത്തിന്റെ ആദ്യപാഠം പകര്ന്നുനല്കിയത് അമ്മമാര് ആയിരുന്നു. ജീവചരിത്രം സംഘടനയുടെ ചരിത്രമാക്കിക്കൊണ്ട് സംഘടനക്കുവേണ്ടി മാത്രം ജീവിച്ചവരായിരുന്നു ഡോക്ടര്ജിയും ഗുരുജിയും. ഒരു ദീപത്തില് നിന്ന് അനേകം ദീപങ്ങള് തെളിയുന്നതുപോലെ ഒരു വ്യക്തിയില് നിന്നും അനേകം വ്യക്തികള് ആദര്ശത്തിലേക്കും ഒരു സ്ഥലത്തുനിന്ന് നിരവധി സ്ഥലങ്ങളിലേക്കും സംഘത്തിന്റെ ആദര്ശം എത്തിയത് ആദര്ശശാലികളായ നിരവധി പ്രവര്ത്തകരുടെ ത്യാഗപൂര്ണ്ണമായ പ്രവര്ത്തനം മൂലമാണെന്നും അദ്ദേഹം കൂട്ടിച്ചേര്ത്തു. ശിബിരം ഞായറാഴ്ച രാവിലെ സമാപിക്കും.
മാതാവിന്റെ മനസ്സാണ് കുട്ടിയുടെ ആദ്യപാഠശാല: പി.ആര്.ശശിധരന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.