പൂഞ്ഞാര്: ദൃശ്യമാദ്ധ്യമങ്ങളുടെ അതിപ്രസരത്തെ തുടര്ന്നുണ്ടായ മത്സരബുദ്ധിയാണ് വ്യാജവാര്ത്തകള്ക്കും വളച്ചൊടിക്കപ്പെട്ട വാര്ത്തകള്ക്കും കാരണമായതെന്ന് ജന്മഭൂമി ന്യൂസ് എഡിറ്റര് കെ.ഡി.ഹരികുമാര് അഭിപ്രായപ്പെട്ടു. പൂഞ്ഞാറില് നടക്കുന്ന വിഎച്ച്പി സംസ്ഥാന ശിബിരത്തില് മാദ്ധ്യമപ്രവര്ത്തനം എന്ന വിഷയത്തെ ആസ്പദമാക്കി സംസാരിക്കുകയായിരുന്നു അദ്ദേഹം. ദേശീയ പ്രസ്ഥാനങ്ങളുടെ വളര്ച്ചയ്ക്ക് പിന്നില് മാദ്ധ്യമങ്ങളുടെ യാതൊരു പിന്തുണയുമില്ലായിരുന്നു. പരസ്പര സ്നേഹത്തില് നിന്നുരിത്തിരിഞ്ഞ് വരുന്ന സംവേദനങ്ങള് ആയിരുന്നു ദേശീയ സംഘടനകളുടെ കരുത്ത്. സന്യാസി ശ്രേഷ്ഠന്മാര് പൊതുവിഷയങ്ങളില് സമരരംഗത്തിറങ്ങിയാല് വര്ഗ്ഗീയമായി ചിത്രീകരിക്കാന് വെമ്പല് കൂട്ടുന്ന മാദ്ധ്യമങ്ങള് പാതിരിമാര്രംഗത്തിറങ്ങുന്ന സമരങ്ങള് മതേതരമെന്ന് പറയുന്നു. ഈ മാദ്ധ്യമ ഇരട്ടത്താപ്പുകള്ക്കെതിരെ സംഘടിത ശക്തികൊണ്ട് പ്രതികരിക്കാന് തയ്യാറാകണമെന്നും അദ്ദേഹം കൂട്ടിച്ചേര്ത്തു.
മാദ്ധ്യമങ്ങളുടെ മത്സരബുദ്ധിമൂലം വാര്ത്തകള് തമസ്കരിക്കപ്പെടുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.