ചങ്ങനാശ്ശേരി: നായര് സമൂഹമടക്കമുള്ള ഭൂരിപക്ഷ സമുദായത്തെ സമൂഹത്തിന്റെ മുഖ്യധാരയില് നിന്നും അകറ്റി നിര്ത്താനുള്ള കുത്സിത ശ്രമങ്ങള് നടക്കുന്നെന്ന് എന്എസ്എസ് ഡയറക്ടര് ബോര്ഡംഗവും താലൂക്ക് യൂണിയന് പ്രസിഡന്റുമായ ഹരികുമാര് കോയിക്കല് പറഞ്ഞു. ചങ്ങനാശ്ശേരി താലൂക്ക് എന്എസ്എസ് യൂണിയന് വിജയദശമിനായര് മഹാസമ്മേളനത്തിന്റെ ശതാബ്ദി ആഘോഷങ്ങളുടെ മുന്നോടിയായി നടന്നുവരുന്ന കുടുംബമേള വെള്ളാവൂര് 1829-ാം നമ്പര് ശ്രീരാമവിലാസം എന്എസ്എസ് കരയോഗത്തില് ഉദ്ഘാടനം ചെയ്യുകയായിരുന്നു അദ്ദേഹം. സര്ക്കാര് ആനുകൂല്യങ്ങളെല്ലാം ന്യൂനപക്ഷമെന്ന ലേബലില് ഒരു നല്ല വിഭാഗം കൈപ്പറ്റുകയാണെന്നും അദ്ദേഹം പറഞ്ഞു. പി.എന് വിജയന് അധ്യക്ഷതവഹിച്ച യോഗത്തില് വൈസ്പ്രസിഡന്റ് വി.ജി ഭാസ്കരന് നായര്, സെക്രട്ടറി എം.എന് രാധാകൃഷ്ണന് നായര്, ഹരിദാസന്പിള്ള, അഡ്വ. പുരുഷോത്തമന് നായര്, എം. ശ്രീകുമാര്, ബിന്ദു രശ്മി താലയം, ആര്. മോഹന്ദാസ് തുടങ്ങിയവര് പ്രസംഗിച്ചു.
ഭൂരിപക്ഷ സമുദായത്തെ സമൂഹത്തിന്റെ മുഖ്യധാരയില് നിന്നും അകറ്റിനിര്ത്താന് ശ്രമിക്കുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.