കോട്ടയം: കുട്ടികളെ ആകര്ഷിക്കാന് സര്ക്കാര് സ്കൂളുകള് മനോഹരമാക്കുന്നു. എസ്എസ്എയുടെ ഫണ്ട് ഉപയോഗിച്ചാണ് ക്ലാസ് മുറികള് ആകര്ഷകമാക്കുന്നത്. കുട്ടികളെ ആകര്ഷിപ്പിക്കുന്ന തരത്തിലുള്ള നിറം ഭിത്തിയിലടിച്ചു പൂക്കളും ചിത്രശലഭങ്ങളുമൊക്കെ ഭിത്തികളില് ഇടം പിടിക്കുന്നു. ഇത്തരമൊരു വ്യത്യസ്തമാര്ന്ന ആലേഖന മികവിലാണ് മുട്ടമ്പലം ഗവ.യുപി സ്കൂള്. കേരളത്തിന്റെ തനതു കലാരുപങ്ങളും കഥകളി, വാദ്യോപകരണങ്ങള് എന്നിവയുടെ ചിത്രങ്ങളും മനോഹരമായി ഭിത്തിയില് ആലേഖനം ചെയ്തിരിക്കുന്നു. പഠനത്തോടൊപ്പം പാരമ്പര്യത്തെ കണ്ടെത്താനും അടുത്തറിയാനും കുട്ടികള്ക്ക് ഇത് സഹായകരമാണ്.
ക്ലാസ്മുറികളുടെ തറയില് ത്രിമാന ആകൃതിയില് ടൈല് പതിപ്പിച്ചിരിക്കുന്നത് കുട്ടികളെ കാഴ്ചയോടൊപ്പം പഠനത്തിലേക്കും നയിക്കുന്നു. പ്രധാന അദ്ധ്യാപിക മെറീന എബ്രഹാമിന്റെ മേല്നോട്ടത്തിലാണ് സ്കൂളിന്റെ നവീകരണപ്രവര്ത്തനങ്ങള് നടക്കുന്നത്. മെറീന എബ്രഹാമിന്റെ അനുഭവ സമ്പത്തും ആത്മാര്ത്ഥതയും ഈ സ്കൂളിന്റെ വികസനത്തിന് വേഗത നല്കുന്നു. 2010ല് ഈസ്റ്റ് സബ്ബ് ജില്ലയിലെ മികച്ച സ്കൂളായി മുട്ടമ്പലം ഗവ. യുപി സ്കൂളിനെ തെരഞ്ഞെടുത്തിരുന്നു. വിദ്യാഭ്യാസ സമവാക്യങ്ങളെ മാറ്റിമറിക്കുകയാണ് പ്രധാന അദ്ധ്യാപിക മെറീന എബ്രഹാം.
