കോട്ടയം: കോട്ടയം ജില്ലാ പഞ്ചായത്ത് പ്രസിഡന്റ് രാധാ വി.നായരും വൈസ് പ്രസിഡന്റ് കെ.എ.അപ്പച്ചനും 9ന് രാജിവയ്ക്കും. പുതിയ ജില്ലാ പഞ്ചായത്ത് പ്രസിഡന്റായി കേരളാ കോണ്ഗ്രസിലെ നിര്മ്മലാ ജിമ്മിക്കാണ് സാദ്ധ്യത. കോണ്ഗ്രസിന് അനുവദിച്ച വൈസ് പ്രസിഡന്റ് സ്ഥാനത്തെ ചൊല്ലി കോണ്ഗ്രസിനുള്ളില് തര്ക്കം രൂക്ഷമാകുന്നു. പുതുപ്പള്ളി ഡിവിഷനില്നിന്നുള്ള അഡ്വ.ഫില്സണ് മാത്യൂസ്, എരുമേലി ഡിവിഷനില് നിന്നുള്ള അഡ്വ.പി.എസ്.സലീം എന്നിവരെയാണ് എ ഗ്രൂപ്പില് നിന്നും പരിഗണിക്കുന്നത്. ബിജു പുന്നന്താനത്തിനു വേണ്ടി ഐ ഗ്രൂപ്പും അവകാശവാദം ഉന്നയിക്കുന്നു. സ്റ്റാന്ഡിംഗ് കമ്മറ്റികള് വിട്ടുകൊടുത്ത് പ്രശ്നം തീര്ക്കാനും എവിഭാഗം ശ്രമിക്കുന്നുണ്ട്. മുഖ്യമന്ത്രിയുടെ ജില്ലയായതിനാല് അദ്ദേഹത്തിന്റെ അഭിപ്രായം കൂടി പരിഗണിച്ചായിരിക്കും അന്തിമ തീരുമാനം. ഇന്നലെ ഡിസിസി ഓഫീസില് നടന്ന യുഡിഎഫ് യോഗത്തില് പ്രശ്നങ്ങള്ക്ക് അന്തിമ തീരുമാനം ഉണ്ടായിട്ടില്ല. ജില്ലാ പഞ്ചായത്ത് വൈസ് പ്രസിഡന്റ് സ്ഥാനത്തെ ചൊല്ലി കോണ്ഗ്രസില് പൊട്ടിത്തെറിക്ക് സാദ്ധ്യതയുള്ളതായി ചൂണ്ടിക്കാണിക്കപ്പെടുന്നു.
ജില്ലാ പഞ്ചായത്ത് പ്രസിഡന്റും വൈസ് പ്രസിഡന്റും 9ന് രാജിവയ്ക്കും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.