അയര്ക്കുന്നം: മീനച്ചിലാര്-മീനന്തറയാര് നദീസംയോജനം നടപ്പാക്കണമെന്നും ആറാട്ടുകടവ് തോട് കയ്യേറ്റങ്ങള് ഒഴിപ്പിച്ച് വീതി പുനസ്ഥാപിക്കണമെന്നും ആവശ്യപ്പെട്ട് ബിജെപി പുതുപ്പള്ളി നിയോജകമണ്ഡലം കമ്മറ്റി നടത്തിയ അയര്ക്കുന്നം പഞ്ചായത്ത് ഓഫീസ് മാര്ച്ചും ധര്ണ്ണയും ജില്ലാ പ്രസിഡന്റ് ഏറ്റുമാനൂര് രാധാകൃഷ്ണന് ഉദ്ഘാടനം ചെയ്തു. രൂക്ഷമായ കുടിവെള്ളക്ഷാമം നേരിടുന്ന കാലഘട്ടത്തില് തോട് സംരക്ഷിക്കാത്ത ഭരണകൂടം മനുഷ്യസമൂഹത്തോടു കാണിക്കുന്ന അനീതിയാണെന്ന് ധര്ണ്ണ ഉദ്ഘാടനം ചെയ്ത് ഏറ്റുമാനൂര് രാധാകൃഷ്ണന് പറഞ്ഞു. നിയോജകമണ്ഡലം പ്രസിഡന്റ് നീറിക്കാട് കൃഷ്ണകുമാര് അദ്ധ്യക്ഷത വഹിച്ചു. കര്ഷക മോര്ച്ച ദേശീയ സമിതിയംഗം പി.ആര്.മുരളീധരന്, ബിജെപി നിയോജകമണ്ഡലം ജനറല് സെക്രട്ടറി പി.എസ്.ഹരിപ്രസാദ്, സെക്രട്ടറി ജയപ്രകാശ്, പഞ്ചായത്ത് കമ്മറ്റി പ്രസിഡന്റുമാരായ പി.എസ്.ചന്ദ്രചൂഢന്, എ.ബി.രാധാകൃഷ്ണന്, ജനറല് സെക്രട്ടറി സി.ആര്.സന്തോഷ്, സജീവ് ആറുമാനൂര്, നേതാക്കളായ കെ.ടി.ശ്യാംകുമാര്, അനൂപ്, സതീഷ്കുമാര് കൂടത്തിനാല് എന്നിവര് സംസാരിച്ചു.
ബിജെപി മാര്ച്ചും ധര്ണ്ണയും നടത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.