കോട്ടയം: മാറാട് കൂട്ടക്കൊലയും സംഭവത്തിലെ ഗൂഢാലോചനയും സിബിഐ അന്വേഷിക്കണമെന്ന് ആവശ്യപ്പെട്ട് സംസ്ഥാന വ്യാപകമായി ഹിന്ദു ഐക്യവേദി ആഹ്വാനം ചെയ്തു. താലൂക്ക് ഓഫീസ് മാര്ച്ചിലും ധര്ണ്ണയിലും ജില്ലയില് ആയിരക്കണക്കിന് പ്രവര്ത്തകര് പങ്കാളികളായി. മുസ്ലീം തീവ്രവാദികളെ സംരക്ഷിക്കുന്ന ഇരുമുന്നണികള്ക്ക് താക്കീതായി മാറി. ജില്ലയിലെ മുഴുവന് താലൂക്ക് ആഫീസിലേക്കും മാര്ച്ചും ധര്ണ്ണയും നടന്നു.
കോട്ടയം: ഇന്നലെ കോട്ടയം താലൂക്ക് ആഫീസിലേക്ക് നടന്ന മാര്ച്ചും ധര്ണ്ണയും ഹിന്ദുഐക്യവേദി ജില്ലാ സെക്രട്ടറി പി.കെ.ചന്ദ്രന് ഉദ്ഘാടനം ചെയ്തു. താലൂക്ക് പ്രസിഡന്റ് കെ.സി.രവി അദ്ധ്യക്ഷത വഹിച്ച ധര്ണ്ണയില് യുവമോര്ച്ച സംസ്ഥാന സെക്രട്ടറി എന്.ഹരി താലൂക്ക് സെക്രട്ടറി സുമേഷ് കിളിരൂര്, ഖജാന്ജി മുരുകന് ആചാരി, മധു അമ്പലക്കടവ് എന്നിവര് സംസാരിച്ചു.
വൈക്കം: വൈക്കം താലൂക്ക് ആഫീസിലേക്ക് നടത്തിയ മാര്ച്ചും ധര്ണ്ണയും ക്ഷേത്രസംരക്ഷണസമിതി ജില്ലാ വൈസ് പ്രസിഡന്റ് എന്.ശിവദാസ് ഉദ്ഘാടനം ചെയ്തു. ആര്എസ്എസ് താലൂക്ക് സേവാപ്രമുഖ് കെ.ആര്.രാജേഷ് അദ്ധ്യക്ഷത വഹിച്ചു. യോഗത്തില് ഹിന്ദു ഐക്യവേദി താലൂക്ക് സംഘടനാ സെക്രട്ടറി കെ.ഡി.സന്തോഷ് ലെനിന്, ബിജെപി നിയോജകമണ്ഡലം പ്രസിഡന്റ് ടി.വി.മിത്രലാല് എന്നിവര് സംസാരിച്ചു.
ചങ്ങനാശേരി: ചങ്ങനാശേരി ഹിന്ദു ഐക്യവേദി താലൂക്ക് സമിതിയുടെ നേതൃത്വത്തില് മാര്ച്ചും ധര്ണയും നടത്തി. പെരുന്ന നമ്പര് 2 ബസ് സ്റ്റാന്ഡില് നിന്നും മാര്ച്ച് ആരംഭിച്ചു. തുടര്ന്ന് നടന്ന ധര്ണ്ണ രാഷ്ട്രീയ സ്വയംസേവക സംഘം ബൗദ്ധിക പ്രമുഖ് പി.എന്.ബാലകൃഷ്ണന് മാസ്റ്റര് ഉദ്ഘാടനം ചെയ്തു. ബിജെപി ജില്ലാ വൈസ് പ്രസിഡന്റ് എം.ബി.രാജഗോപാല്, ധര്മ്മജാഗരണ് ജില്ലാ സേവാപ്രമുഖ് കെ.എസ്.ഓമനക്കുട്ടന്, പ്രൊഫ.ഈശ്വരന് നമ്പൂതിരി, വി.ശശി, എ.മനോജ്, കെ.എസ്.ലെനിന് തുടങ്ങിയവര് പ്രസംഗിച്ചു.
പാലാ: പാലായില് നൂറുകണക്കിന് പ്രവര്ത്തകര് മിനി സിവില് സ്റ്റേഷനിലേക്ക് മാര്ച്ച് നടത്തി. മീനച്ചില് താലൂക്ക് രക്ഷാധികാരി ഡോ.സുകുമാരന് നായര്, പ്രസിഡന്റ് വി.പി.മോഹനന്, ജന.സെക്രട്ടറി കെ.കെ.ശശി, സെക്രട്ടറി ടി.ജി.ബാബു, ആര്എസ്എസ് മീനച്ചില് താലൂക്ക് കാര്യവാഹ് സി.കെ.അശോകന്, ബിജെപി നിയോജകമണ്ഡലം പ്രസിഡന്റ് പി.പി.നിര്മ്മലന്, മഹിളാമോര്ച്ച ഭാരവാഹികളായ വത്സലഹരിദാസ്, ശുഭസുന്ദര്രാജ് എന്നിവര് നേതൃത്വം നല്കി. ളാലം ക്ഷേത്രത്തിന് സമീപത്തുനിന്നുമാരംഭിച്ച മാര്ച്ച് മിനി സിവില് സ്റ്റേഷനു സമീപം പോലീസ് തടഞ്ഞു.
പിന്നീട് നടന്ന ധര്ണ്ണ ഹിന്ദു ഐക്യവേദി കോട്ടയം ജില്ലാ വൈസ് പ്രസിഡന്റ് കെ.കെ.തങ്കപ്പന് ഉദ്ഘാടനം ചെയ്തു. വിഎച്ച്പി സംസ്ഥാന സത്സംഗ പ്രമുഖ് കെ.എസ്.ഓമനക്കുട്ടന്, ജില്ലാ സംഘടനാ സെക്രട്ടറി പി.പി.രണരാജന്, കെപിവൈഎം സംസ്ഥാന ജനറല് സെക്രട്ടറി സാബു കാരിശേരി, കെ.കെ.ശശി, സെക്രട്ടറി ടി.ജി.ബാബു, പി.പി.നിര്മ്മലന് തുടങ്ങിയവര് പ്രസംഗിച്ചു.
