ടോക്കിയോ: തലമുടി കൊഴിയുന്ന പുരുഷന്മാര് സൂക്ഷിക്കുക. നിങ്ങള്ക്ക് തല നിറയെ മുടിയുള്ളവരെക്കാളും ഹൃദ്രോഗ സാധ്യത വളരെ കൂടുതലാണ്. ജപ്പാനില് നടന്ന ഗവേഷണങ്ങളാണ് ഈ അപകടത്തിലേക്ക് വിരല് ചൂണ്ടുന്നത്. ഇതുസംബന്ധിച്ച് 37,000 പേരില് നടത്തിയ പഠനഗവേഷണങ്ങളുടെ ഫലം ഓണ്ലൈന് ജേര്ണലായ ബിഎംജെ ഓപ്പണില് പ്രസിദ്ധീകരിച്ചു. കഷണ്ടിയുള്ള പുരുഷന്മാരില് അതില്ലാത്തവരെക്കാള് ഹൃദയപേശികളിലെ ധമനികള്ക്ക് രോഗം വരാനുള്ള സാധ്യത 32 ശതമാനം അധികമാണെന്നാണ് അതില് സൂചിപ്പിക്കുന്നത്.
എന്നാല് പുകവലി, പൊണ്ണത്തടി എന്നിവരെ അപേക്ഷിച്ച് ഇവര്ക്ക് അപകടസാധ്യത കുറവാണെന്നും ഗവേഷണ ഫലം പറയുന്നു. ഹെയര്ലൈനിനെക്കാള് പുരുഷന്മാര് വേസ്റ്റ്ലൈനിന് (അരക്കെട്ട്) കൂടുതല് ശ്രദ്ധ നല്കണമെന്ന് ബ്രിട്ടീഷ് ഹാര്ട്ട് ഫൗണ്ടേഷന് വ്യക്തമാക്കുന്നു. നിരവധി പുരുഷന്മാരില് മുടികൊഴിച്ചില് വാസ്തവമാണ്. പ്രായം ഏതാണ്ട് അമ്പതോടടുക്കുമ്പോള് പകുതിയോളം പേര്ക്ക് തലമുടി കൊഴിച്ചിലുണ്ടാകുന്നു. ഏഴുപതിലെത്തിയ 80 ശതമാനത്തിനും മുടികൊഴിച്ചിലുണ്ടാകുന്നു.
മുടികൊഴിച്ചിലും ഹൃദ്രോഗസാധ്യതയും തമ്മിലുള്ള ബന്ധത്തെക്കുറിച്ച് അനവധി വര്ഷങ്ങളായി ടോക്കിയോ സര്വകലാശാലയിലെ ഗവേഷകര് പഠിക്കുന്നു. ബ്രിട്ടീഷ് ഹാര്ട്ട് ഫൗണ്ടേഷനിലെ ഡോറിയന് മഡ്ഡോക്ക് പറയുന്നത് തലമുടിയെക്കാള് അരക്കെട്ടിന് കൂടുതല് ശ്രദ്ധനല്കണമെന്നാണ്. തലമുടി കൊഴിച്ചിലും ഹൃദയ പേശികളിലെ രക്തധമനികള്ക്കുള്ള രോഗവും തമ്മില് ബന്ധമുണ്ട്. ഇത് പ്രായവും പാരമ്പര്യവും ഒക്കെ പരിശോധിച്ച ശേഷമുള്ള അപകടസാധ്യതയാണ്.
ആധുനികവും എന്നാല് പ്രബലവുമായ കണ്ടെത്തലുകളാണ് മുടികൊഴിച്ചിലും ഹൃദയ പേശികളിലെ രക്തധമനികള്ക്കുള്ള രോഗവും തമ്മിലുള്ള ബന്ധത്തില് കണ്ടെത്തിയത്. പ്രത്യേകിച്ചും തലയുടെ ഉച്ചിയിലെ മുടി കൊഴിയുന്നത്. ടോക്കിയോ സര്വകലാശാലയിലെ ഡോ. ടോമോഹൈഡ് യമദ ബിബിസിയോട് പറഞ്ഞു. ഇവ തമ്മില് ചെറിയൊരു ബന്ധമുണ്ട്. എന്നാല് പുകവലി, പൊണ്ണത്തടി, കൊളസ്ട്രോള്, രക്തസമ്മര്ദം എന്നിവയുടെ അത്ര ശക്തമല്ല ഇത്. തലയുടെ ഉച്ചിപ്രദേശത്ത് മുടികൊഴിച്ചിലുള്ള ചെറുപ്പക്കാര് ഉടന് തന്നെ തങ്ങളുടെ ജീവിതശൈലിയില് വേണ്ട മാറ്റം വരുത്തി ആരോഗ്യം സംരക്ഷിച്ചു കൊള്ളണമെന്നും അദ്ദേഹം മുന്നറിയിപ്പു നല്കി. എന്തായാലും കഷണ്ടിയും ഹൃദ്രോഗവുമായി ബന്ധപ്പെട്ട് കൂടുതല് തെളിവുകളൊന്നും ലഭിച്ചിട്ടില്ലെന്നും അദ്ദേഹം വ്യക്തമാക്കി.
യുകെയില് ഹൃദയ പേശികളിലെ രക്തധമനികള്ക്കുണ്ടാകുന്ന രോഗമാണ് ഏറ്റവും കൂടുതല് ആള്ക്കാരെ കൊല്ലുന്നത്. അഞ്ചില് ഒരു പുരുഷനും എട്ടിലൊരു സ്ത്രീയും ഈ രോഗം മൂലമാണ് മരിക്കുന്നത്. ഹൃദയത്തിലെ രക്തധമനികളില് തടസ്സമുണ്ടാകുമ്പോഴാണ് ഇത് സംഭവിക്കുന്നത്. ഇതിന്റെ കാരണം സംബന്ധിച്ച വിശദീകരണങ്ങളെല്ലാം അപൂര്ണമാണ്. പുരുഷ ഹോര്മോണുകളുടെ സംവേദനക്ഷമത വര്ധിപ്പിക്കുന്നതും ഇന്സുലിന് പ്രതിരോധവും രക്തധമനികളിലെ താപവും ഹൃദയത്തെയും തലമുടിയെയും ബാധിക്കും. ഈ കണ്ടെത്തലുകള് പ്രോത്സാഹജനകമാണെങ്കിലും തലമുടി നഷ്ടപ്പെട്ട് കഷണ്ടി കയറിയ പുരുഷന്മാര് ഇതേച്ചൊല്ലി ഭയപ്പെടേണ്ടതില്ലെന്നും ബ്രിട്ടീഷ് ഹാര്ട്ട് ഫൗണ്ടേഷനിലെ ഹൃദയസംബന്ധിയായ നഴ്സ് ഡോറിന് മഡ്ഡോക് വിശദീകരിച്ചു. ഇതേക്കുറിച്ച് കൂടുതല് ഗവേഷണങ്ങള് നടക്കേണ്ടിയിരിക്കുന്നു. അതേയവസരത്തില് മുടികൊഴിയുന്നതിനെക്കാളും ശ്രദ്ധ അരക്കെട്ടില് നല്കേണ്ടതാണ്. മുടികൊഴിച്ചിലും കഷണ്ടിയും പരമ്പരാഗതമാണെങ്കിലും അത് നിയന്ത്രണവിധേയമല്ല. എന്നാല് ഹൃദ്രോഗത്തിന്റെ അപകടസാധ്യതകളുടെ കാര്യത്തില് അങ്ങനെയല്ല. പുകവലി ഉപേക്ഷിക്കുക, ആരോഗ്യകരമായി ഭാരം നിലനിര്ത്തുക, ഒപ്പം ഹൃദയത്തിന്റെ ആരോഗ്യം സംരക്ഷിക്കാന് ചെയ്യാവുന്നതെല്ലാം ചെയ്യുക, അദ്ദേഹം പറയുന്നു.
