കൊച്ചി: കലൂര്‍ പേരണ്ടൂര്‍ റോഡില്‍ പാവക്കുളം ക്ഷേത്രത്തിനു മുന്‍വശത്തെ വളവില്‍ ഇലക്ട്രിക്‌ പോസ്റ്റുകള്‍ അപകടഭീഷണി ഉയര്‍ത്തുന്നു. പൊതുവേ വളഞ്ഞതും, വീതി കുറഞ്ഞതും വാഹന സഞ്ചാരം കൂടുതലുമുള്ള ഈ വഴിയുടെ ഇരുവശത്തെ പോസ്റ്റുകളും റോഡിലേക്ക്‌ വളഞ്ഞാണ്‌ സ്ഥിതിചെയ്യുന്നത്‌. ഏറ്റവും കൂടുതല്‍ ഗതാഗതകുരുക്ക്‌ ഉണ്ടാകുന്നതും ഇവിടെയാണ്‌. നാളേറെയായി ഈ പോസ്റ്റുകളുടെ നില ഇതേ സ്ഥിതിയിലാണ്‌. ഏതെങ്കിലും ഒരു വലിയ വാഹനമോ, വാഹനത്തിന്റെ ഏതെങ്കിലും ഒരു ഭാഗമോ പോസ്റ്റുകളില്‍ തട്ടിയാല്‍ വലിയ അപകടം ഉറപ്പാണ്‌. ഇടപ്പള്ളിയിലേക്കുള്ള ഹൈവേയിലേക്ക്‌ വലിയ വാഹനങ്ങള്‍ കടത്തി വിടുന്നതും ഇതേ റോഡിലൂടെയാണ്‌. പാവക്കുളം ക്ഷേത്രത്തിലെ ഉത്സവം കൂടി അടുത്തതോടെ ഗതാഗതകുരുക്ക്‌ രൂക്ഷമാകും. അപകടങ്ങള്‍ നടന്നതിനുശേഷം മാത്രം അന്വേഷണങ്ങളും മേല്‍ നടപടികളും സ്വീകരിക്കുന്ന ഉദ്യോഗസ്ഥര്‍ ഇതിനു ശാശ്വതപരിഹാരം കാണണമെന്ന്‌ നാട്ടുകാരുടെ ആവശ്യം.
കലൂര്‍- പേരണ്ടൂര്‍ റോഡില്‍ അപകട കെണിയൊരുക്കി ഇലക്ട്രിക്‌- ടെലിഫോണ്‍ പോസ്റ്റുകള്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.