പെരുമ്പാവൂര്: വെങ്ങോല പഞ്ചായത്തില് ക്ഷേത്രകവര്ച്ച വ്യാപകം, പോലീസ് നിഷ്ക്രിയമെന്ന് ആരോപണം. തുടര്ച്ചയായി ഉണ്ടാകുന്ന ക്ഷേത്രകവര്ച്ചയില് വിശ്വാസികള് ആശങ്കാകുലരാണ്. കഴിഞ്ഞ പ്രശസ്തമായ പുതുപ്പാറ ഭഗവതിക്ഷേത്രത്തില് കവര്ച്ച നടന്നു. ഓഫീസും, ശ്രീകോവിലും കുത്തിപൊളിച്ചു. ഈ ക്ഷേത്രത്തില് ഇതിന് മുമ്പ് പലതവണ കവര്ച്ച നടന്നിരുന്നു. രണ്ടാഴ്ച മുമ്പ് മുടപ്ലാപ്പിള്ളി തൃക്കക്ഷേത്രം, പടിഞ്ഞാറെ വെങ്ങോല നരസിംഹ മൂര്ത്തിക്ഷേത്രം, വലിയകുളം കദളിശിവക്ഷേത്രം എന്നിവടങ്ങളിലും കവര്ച്ച നടന്നിരുന്നു. ക്ഷേത്രകവര്ച്ച നടന്നാല് പോലീസ് എത്തി പ്രാഥമിക അന്വേഷണം നടത്തി മടങ്ങുകയല്ലാതെ ഒരു തുടര് അന്വേഷണം ഉണ്ടാകുന്നില്ലെന്ന ആരോപണം ഉയര്ന്നിട്ടുണ്ട്. ചില സംഭവങ്ങളില് കേസ് രജിസ്റ്റര് ചെയ്യാന് പോലും തയ്യാറാകുന്നില്ല. പെരുമ്പാവൂര് പോലീസ് സ്റ്റേഷന്റെ പരിധിയില്പ്പെടുന്ന ഈ സ്ഥലങ്ങളില് രാത്രിയില് പട്രോളിങ്ങ് നടത്താന് പോലീസ് തയ്യാറാകുന്നില്ല. ഇത് പലപ്പോഴും മോഷ്ടാക്കള്ക്ക് സൗകര്യം ആകുകയും ചെയ്യുന്നുണ്ട്.
ക്ഷേത്രക്കവര്ച്ച വ്യാപകം; പോലീസ് നിഷ്ക്രിയമെന്ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.