തിരുവനന്തപുരം: സംസ്ഥാനത്ത് തിങ്കളാഴ്ചയും വൈദ്യുതി മുടങ്ങുമെന്ന് കെഎസ്ഇബി. വൈകുന്നേരം ആറേകാല് മുതല് രാത്രി 12:45 വരെയുള്ള സമയങ്ങളില് വൈദ്യുതി മുടങ്ങാനാണ് സാധ്യത.
എല്നിനോ പ്രതിഭാസത്തെ തുടര്ന്നുള്ള മഴക്കുറവും ഉയര്ന്ന താപനിലയും കാരണം മുന്വര്ഷങ്ങളിലെ സെപ്തംബറിനേക്കാള് 1100 മെഗാവാട്ടിന്റെ അധിക ആവശ്യകതയാണ് രേഖപ്പെടുത്തുന്നത്. 900 മെഗാ വാട്ടിന്റെ കുറവിനാണ് സാധ്യത. വായ്പ വഴിയുള്ള 200 മെഗാ വാട്ട് ഇന്നും കിട്ടില്ലെന്ന് വ്യക്തമായതോടെയാണ് പവര്ക്കട്ട് ഉണ്ടാകുമെന്ന് അറിയിപ്പ് വന്നത്.
ഞായറാഴ്ച റിയല് ടൈം മാര്ക്കറ്റില് നിന്ന് വൈദ്യുതി ലഭിച്ചത് കൊണ്ട് നിയന്ത്രണം ഇല്ലായിരുന്നു.ഇന്നും നിയന്ത്രണം ഒഴിവാക്കാന് പരമാവധി ശ്രമിക്കുന്നതായി സര്ക്കാര് അറിയിച്ചിരുന്നു.
