Blackout, electricity off, energy crisis or power outage, concept image.
തിരുവനന്തപുരം: വൈദ്യുതി നിയന്ത്രണത്തിന്റെ കൃത്യമായ സമയം പറയാന് കഴിയില്ലെന്ന് മന്ത്രി സണ്ണി ജോസഫ്. നിയന്ത്രണം ഏര്പ്പെടുത്തേണ്ടി വരുമ്പോള് ഫീഡര് തലത്തില് ഏകദേശം സമയം ജനങ്ങളെ മുന്കൂട്ടി അറിയിക്കാനുള്ള സംവിധാനം നാളെ നിലവില് വരുമെന്ന് മന്ത്രി പറഞ്ഞു.
വൈദ്യുതി പ്രതിസന്ധി കേരളം മാത്രം നേരിടുന്ന ഒരു പ്രശ്നമല്ല. എല് നിനോ പ്രതിഭാസവും കനത്ത ചൂടും കാരണം വൈദ്യുതി ഉപഭോഗം വന്തോതില് വര്ദ്ധിച്ചിട്ടുണ്ട്. ഇന്നലത്തെ വൈദ്യുതി ഉപഭോഗം 5200 മെഗാവാട്ടില് എത്തിയപ്പോള് 900 മെഗാവാട്ടിന്റെ കുറവാണ് അനുഭവപ്പെട്ടതെന്ന് മന്ത്രി പറഞ്ഞു. ആന്ധ്രാപ്രദേശ് പോലുള്ള സംസ്ഥാനങ്ങള് ആവശ്യത്തിന്റെ 86 ശതമാനവും സ്വയം ഉത്പാദിപ്പിക്കുമ്പോള്, കേരളത്തില് 27 ശതമാനം മാത്രമാണ് ഉത്പാദിപ്പിക്കാന് കഴിയുന്നത്. ബാക്കി വരുന്ന വൈദ്യുതി പുറത്തുനിന്ന് വാങ്ങേണ്ടതുണ്ട്. എന്നാല് ആവശ്യാനുസരണം ലഭ്യമല്ലാത്ത അവസ്ഥയാണുള്ളത്. നിലവില് സോളാര് വൈദ്യുതി സംഭരിക്കാനുള്ള സംവിധാനങ്ങള് ഇല്ലാത്തത് പ്രതിസന്ധി കൂടുതല് രൂക്ഷമാക്കുന്നുണ്ട്. അതിനാല് പൊതുജനങ്ങള് സര്ക്കാരിന്റെ ഈ പ്രതിസന്ധി മനസ്സിലാക്കണമെന്ന് അദ്ദേഹം അഭ്യര്ത്ഥിച്ചു.
