തപസ്യ സംസ്ഥാന പഠന ശിബിരത്തിന് മുന്നോടിയായി നടന്ന സംഘാടകസമിതി യോഗം സംസ്ഥാന ഉപാധ്യക്ഷന് ആര്. പ്രസന്നകുമാര് ഉദ്ഘാടനം ചെയ്യുന്നു
പത്തനംതിട്ട: തപസ്യ കലാസാഹിത്യ വേദി സംസ്ഥാന പഠന ശിബിരം 25, 26 ,27, തീയതികളില് അടൂര് പഴകുളം പാസ്സ് സെന്ററില്. അടൂര് ചേന്നമംഗലം ബാലാശ്രമത്തില് കൂടിയ പഠന ശിബിര സംഘാടക സമിതി രൂപീകരണ യോഗത്തില് ജില്ലാ അധ്യക്ഷന് ഡോക്ടര് എം.എ. കബീര് അധ്യക്ഷനായി. സംസ്ഥാന ഉപാധ്യക്ഷന് ആര്. പ്രസന്നകുമാര് യോഗം ഉദ്ഘാടനം ചെയ്തു.
മലയാള മണ്ണില് കലയുടെയും സാഹിത്യത്തിന്റെയും രംഗത്ത് ദേശീയതയുടെ ദിശാബോധം പകര്ന്ന് ഭാരതീയ സംസ്കൃതിയെ സമ്പുഷ്ടമാക്കുന്ന കലാസാഹിത്യ വേദിയാണ് തപസ്യ എന്ന് ആര്. പ്രസന്നകുമാര് പറഞ്ഞു. സംസ്ഥാന ജനറല് സെക്രട്ടറി എം. സതീശന് മുഖ്യപ്രഭാഷണവും സംഘടനാ സെക്രട്ടറി സി. രജിത് കുമാര് സംഘടനാകാലാംശവും സംസ്ഥാന സമിതിയംഗം ശിവകുമാര് അമൃതകല വിഷയാവതരണവും നടത്തി.
സംസ്ഥാനത്തു നിന്നും തിരഞ്ഞെടുത്ത മുന്നൂറ് കലാസാഹിത്യ പ്രവര്ത്തകരെ ശിബിരത്തില് പങ്കെടുപ്പിക്കാനും പത്തനംതിട്ട ജില്ലയുടെ സാംസ്കാരിക തനിമ വിളിച്ചോതുന്ന പ്രദര്ശനി ഒരുക്കുവാനും യോഗത്തില് തീരുമാനിച്ചു. 25ന് വൈകിട്ട് സംസ്ഥാന സമിതി യോഗത്തോടെ പഠന ശിബിരത്തിന് തുടക്കമാകും. 26ന് രാവിലെ 10ന് ഉദ്ഘാടന സഭ. തുടര്ന്ന് ഭാഷയുടെ സാംസ്കാരിക ദൗത്യം എന്ന വിഷയത്തെ ആസ്പദമാക്കിയുള്ള ക്ലാസ്. പിന്നീട് ഒന്നരമണിക്കൂര് ഇടവിട്ട് പ്രശസ്ത സാഹിത്യകാരന്മാര് വിവിധ വിഷയങ്ങളെ അധികരിച്ച് സംസാരിക്കും. വൈകിട്ട് വിവിധ കലാപരിപാടികള് ഒരുക്കിയിട്ടുണ്ടെന്നും 27ന് ഉച്ചയ്ക്ക് ശിബിരം സമാപിക്കുമെന്നും ജില്ലാ ജനറല് സെക്രട്ടറി ബിന്ദു സജീവ്, ജനറല് കണ്വീനര് ശിവകുമാര് അമൃതകല എന്നിവര് അറിയിച്ചു.
സംഘാടക സമിതി ഭാരവാഹികളായി ഡോ. അടൂര് പി. സുദര്ശനന് (ചെയര്മാന്), ശിവകുമാര് അമൃതകല (ജനറല് കണ്വീനര്), ആര്. വേണുരാജ് (കണ്വീനര്), സി.കെ. മനോജ് (ജോയിന്റ് കണ്വീനര്), വിഷ്ണുപ്രസാദ് (വ്യവസ്ഥ പ്രമുഖ്), അനില്കുമാര് (സഹ വ്യവസ്ഥ പ്രമുഖ്) എന്നിവരെയും ഗോപകുമാര്, രഞ്ജിത്ത് ആര്., ആയുഷ്, അജിത്ത്, ജയകുമാര്, ശ്രീദേവി മഹേശ്വരന്, പ്രഭാസതീഷ്, വിവേക്, നിതിന് മനോജ് ആറന്മുള, ആനന്ദ് ശങ്കര്, കെ.ജി. ഓമനക്കുട്ടന്, മുരളീധരന് പിള്ള, ബിന്ദു സജീവ്, ഹരികുമാര് നമ്പൂതിരി, സുരേഷ് ശ്രീനിവാസന്, ശ്രീനിവാസന് പുറയാറ്റ് എന്നിവര് വിവിധ കമ്മിറ്റികളുടെ കണ്വീനര്മരായി 101 അംഗ സംഘാടക സമിതിയും രൂപീകരിച്ചു.
