അലഹബാദ് : സിവില്‍ സര്‍വീസ് ഉദ്യോഗസ്ഥര്‍ വിശ്വസ്തതയും കൂറും പുലര്‍ത്തേണ്ടത് രാഷ്‌ട്രീയ ഭരണസംവിധാനത്തിനോടല്ലെന്നും ഭരണഘടനയോടാണെന്നും അലഹബാദ് ഹൈക്കോടതി.
ഭാരതത്തോടും ഭരണഘടനയോടുമുള്ള കൂറ് ഉദ്യോഗസ്ഥരും പോലീസുകാരും അവഗണിച്ചാല്‍ ബ്രിട്ടീഷ് സാമ്രാജ്യത്തിന്റെ അവശിഷ്ടമായി ആളുകള്‍ അവരെ കാണുമെന്ന് ജസ്റ്റിസ് അതുല്‍ ശ്രീധരനും ജസ്റ്റിസ് അചല്‍ സച്ച്‌ദേവും അടങ്ങുന്ന ഡിവിഷന്‍ ബെഞ്ച് പറഞ്ഞു. അത്തരമൊരു സാഹചര്യം ഉദ്യോഗസ്ഥരോട് വെറുപ്പു ജനിപ്പിക്കുമെന്ന് ബെഞ്ച് ഓര്‍മ്മിപ്പിച്ചു. ഭരണഘടനാപരവും നിയമപരവുമായ അവകാശങ്ങള്‍, അന്തസ്സ്, ബഹുമാനം, പൗരന്മാരുടെ ക്ഷേമം എന്നിവ ഉയര്‍ത്തിപ്പിടിക്കേണ്ട ഉത്തരവാദിത്വം ഉദ്യോഗസ്ഥര്‍ നിര്‍വഹിക്കണം.
വലിയ അധികാരങ്ങള്‍ക്കൊപ്പം വലിയ ഉത്തരവാദിത്തവും ഉണ്ടെന്ന തിരിച്ചറിവും ഉണ്ടാകണം. കോടതി പറഞ്ഞു.
