കൊച്ചി ആകെക്കൂടി ഒരു ജന്തര്‍ മന്തറിന്റെ ദുര്‍ഗന്ധം വമിക്കുന്ന ഒന്നായിരുന്നു ഇത്തവണത്തെ ഏഷ്യാനെറ്റിന്റെ ബിഗ് ബോസ് 8ാം പതിപ്പെന്ന് വിമര്‍ശനം ഉയരുന്നു. ബിഗ് ബോസ് എട്ടാം പതിപ്പ് തുടങ്ങുന്നത് തന്നെ ഒരു വിദ്യാര്‍ത്ഥികളുടെ കലാപം കാണിച്ചാണ്.
ദല്‍ഹിയിലെ ജന്തര്‍മന്തറില്‍ സിജെപി നടത്തിയ പ്രകടനമല്ല, പകരം കൃത്രിമമായി വിദ്യാര്‍ത്ഥികളെ അണി നിരത്തിയ പ്രതിഷേധ സമരം കാണിച്ചാണ് ഇക്കുറി ഷോ തുടങ്ങുന്നത്. ഇതിനിടെ മോഹന്‍ലാല്‍ ഭരണഘടന മറിച്ചുനോക്കുകയും ജനാധിപത്യത്തെക്കുറിച്ച് സംസാരിക്കുകയും ചെയ്യുന്നു. ആകെക്കൂടിഒരു വെറുപ്പിക്കുന്ന അന്തരീക്ഷം.
നേരത്തെ ജന്തര്‍ മന്തര്‍ സമരത്തില്‍ പങ്കെടുക്കാന്‍ കൊച്ചിയില്‍ നിന്നും ഫ്ലൈറ്റില്‍ പോയ ആങ്കര്‍ രഞ്ജിനി ഹരിദാസും മത്സരാര്‍ത്ഥികളെ തെരഞ്ഞെടുക്കുന്ന പാനലില്‍ നടന്‍ ദുല്‍ഖര്‍ സല്‍മാനൊപ്പം പങ്കെടുത്തിരുന്നു. രഞ്ജിനി ഹരിദാസിന് ഈ റോള്‍ കിട്ടിയത് തന്നെ ജന്തര്‍ മന്തര്‍ സമരത്തിന് പോയതിനാലാണെന്ന് വിമര്‍ശനമുണ്ട്. അഗ്നി പരീക്ഷ എന്ന വിഭാഗത്തിലെ വിധികര്‍ത്താവായിരുന്നു രഞ്ജിനി ഹരിദാസ്. ജന്തര്‍മന്തര്‍ സമരത്തിനോട് ചായ് വുള്ളവരാണ് ഇക്കുറി മലയാളം ബിഗ്ബോസ് എട്ടാം സീസണ്‍ രൂപകല്‍പന ചെയ്തിരിക്കുന്നതെന്നും ആരോപണമുണ്ട്.
പിന്നാലെയാണ് മത്സാര്‍ത്ഥികളെ മോഹന്‍ ലാല്‍ പരിചയപ്പെടുത്തിയത്. ഇക്കുറിയിലെ മത്സരാര്‍ത്ഥികളെക്കുറിച്ചും വലിയ മതിപ്പ് പ്രേക്ഷര്‍ക്കിടയില്‍ ഇല്ല. പല തവണ ബിഗ് ബോസില്‍ പങ്കെടുക്കാന്‍ ശ്രമിച്ച് പരാജയപ്പെട്ടവരാണ് ഇത്തവണത്തെ ബിഗ് ബോസിലെ മത്സാര്‍ത്ഥികളില്‍ പലരും. ഫ്രഷ് ആയ മുഖങ്ങള്‍ കുറവാണ്. 14 പേരെയാണ് സെപ്തംബര്‍ ആറിന് മോഹന്‍ ലാല്‍ ക്ഷണിച്ചത്. ആക്ടിവിസ്റ്റ് ശ്രീലക്ഷ്മി അറയ്‌ക്കല്‍, ആര്‍ജെ ഐശ്വര്യ ബാബു, വിക്കി തഗ് വിഗ്നേഷ് വേണു, സീരിയല്‍ നടി മൃദുല വിജയ്, നടി ശ്രീലയ, നടി ഗായത്രി സുരേഷ്, കടല്‍ക്കൊമ്പന്‍ ശ്രീരാജ്, ഗൗതം ജി ശശി,ആര്‍ടിസ്റ്റ് ശ്രീലയ, ആര്‍.ജെ. അഞ്ജലി, കൊമേഡിയന്‍ സുമേഷ് ചന്ദ്രന്‍, റിനി ആന്‍ ജോര്‍ജ്ജ്, ജെസ്സിലാ പര്‍വീണ്‍, എയര്‍ ഹോസ്റ്റസ്, ഫാത്തിമ നേഹ, നോബി ബിനു, മുഹമ്മദ് ആസിഫ് എന്നിവരെയാണ് വിളിച്ചിരിക്കുന്നത്.
