റോം : രണ്ടാം ലോകമഹായുദ്ധത്തിനുശേഷം ഇറ്റലിയിൽ ഏറ്റവും കൂടുതൽ കാലം പ്രധാനമന്ത്രിയായിരുന്ന വ്യക്തിയാണ് ജോർജിയോ മെലോണി. ഈ നേട്ടത്തിന് നരേന്ദ്ര മോദി അവരെ അഭിനന്ദിച്ചു. അതിന് ഇന്ത്യൻ പ്രധാനമന്ത്രിയോട് നന്ദി പറഞ്ഞുകൊണ്ട് മെലോണി മറുപടി നൽകി. പ്രധാനമന്ത്രി മോദിയുടെ അഭിനന്ദന പോസ്റ്റിന് മറുപടിയായി അദ്ദേഹത്തിന്റെ വാക്കുകൾക്കും സൗഹൃദത്തിനും നന്ദിയുണ്ടെന്ന് മെലോണി എഴുതി. ഇന്ന് ഇറ്റലിയും ഇന്ത്യയും തമ്മിലുള്ള ബന്ധം എക്കാലത്തേക്കാളും ശക്തമാണെന്നും ഭാവിയിൽ മെച്ചപ്പെടുമെന്നും അവർ പറഞ്ഞു.
“ഞങ്ങളുടെ കഴിഞ്ഞ കൂടിക്കാഴ്ചയിൽ, ഈ ബന്ധത്തിന്റെ പ്രാധാന്യവും നമ്മുടെ രാജ്യങ്ങളുടെ വൈദഗ്ധ്യം സംയോജിപ്പിച്ച് പുതിയ വളർച്ചാ അവസരങ്ങൾ സൃഷ്ടിക്കാനുള്ള ഞങ്ങളുടെ ആഗ്രഹവും പ്രതിഫലിപ്പിക്കുന്ന ഒരു ‘പ്രത്യേക തന്ത്രപരമായ പങ്കാളിത്തം’ ഞങ്ങൾ ആരംഭിച്ചു. നമ്മുടെ മുന്നിലുള്ള സഹകരണത്തിനുള്ള അസാധാരണമായ അവസരങ്ങൾ മുതലെടുക്കാനും ഇത് ശ്രമിക്കുന്നു,”- ജോർജിയ മെലോണി തന്റെ പോസ്റ്റിൽ പറഞ്ഞു.
കൂടാതെ ” പ്രിയപ്പെട്ട പ്രധാനമന്ത്രി നരേന്ദ്ര മോദി നിങ്ങളുടെ വാക്കുകൾക്കും നമ്മുടെ സൗഹൃദത്തിനും നന്ദി. ഇറ്റലിയും ഇന്ത്യയും ഒരുമിച്ച് നമ്മുടെ ഭൂഖണ്ഡങ്ങൾ തമ്മിലുള്ള ബന്ധം ശക്തിപ്പെടുത്തുമെന്ന് എനിക്ക് ഉറപ്പുണ്ട്.” – മെലോണി തുടർന്ന് പറഞ്ഞു.
നമ്മൾ ഒരുമിച്ച് പ്രവർത്തിക്കും: മെലോണി
വെള്ളിയാഴ്ചത്തെ തന്റെ പോസ്റ്റിൽ, ഇന്ത്യ-ഇറ്റലി ബന്ധങ്ങളുടെ ശക്തിയിൽ ജോർജിയ മെലോണി ആത്മവിശ്വാസം പ്രകടിപ്പിച്ചു. ഇറ്റലിയും ഇന്ത്യയും ഒരുമിച്ച് നമ്മുടെ ഭൂഖണ്ഡങ്ങൾ തമ്മിലുള്ള ബന്ധം ശക്തിപ്പെടുത്തുമെന്ന് എനിക്ക് ഉറപ്പുണ്ട്. ഇന്ത്യ-മിഡിൽ ഈസ്റ്റ്-യൂറോപ്പ് സാമ്പത്തിക ഇടനാഴി വികസിപ്പിക്കുന്നതിനും ഞങ്ങൾ ഒരുമിച്ച് പ്രവർത്തിക്കും എന്ന് അവർ എഴുതി.
നേരത്തെ, പ്രധാനമന്ത്രി സ്ഥാനം വഹിച്ചതിന്റെ റെക്കോർഡ് സൃഷ്ടിച്ചതിന് ജോർജിയ മെലോണിയെ അഭിനന്ദിച്ചുകൊണ്ട് പ്രധാനമന്ത്രി മോദി എക്‌സിൽ തന്റെ അഭിനന്ദനങ്ങൾ പോസ്റ്റ് ചെയ്തിരുന്നു. ” രണ്ടാം ലോക മഹായുദ്ധത്തിനുശേഷം ഏറ്റവും കൂടുതൽ കാലം പ്രധാനമന്ത്രിയായി സേവനമനുഷ്ഠിച്ച എന്റെ സുഹൃത്തും പ്രധാനമന്ത്രിയുമായ ജോർജിയ മെലോണിക്ക് അഭിനന്ദനങ്ങൾ . ഈ നേട്ടം ഇറ്റാലിയൻ ജനത അവരുടെ നേതൃത്വത്തിൽ പുലർത്തുന്ന വിശ്വാസവും ആത്മവിശ്വാസവുമാണ് കാണിക്കുന്നത്” – മോദി എക്‌സിൽ എഴുതി.
