ഇടപ്പള്ളി: ജ്യോതിഷ പണ്ഡിതനും മാധ്യമ പ്രവര്ത്തകനുമായ മാനങ്ങാടി ലൈനില് എസ്ആര്ആര്എ-5 ശ്രീപാദത്തില് എ.പി. ജയശങ്കര് (66) അന്തരിച്ചു. മൃതദേഹം ഇന്ന് രാവിലെ 7 മുതല് 10 വരെ ചന്ദ്രത്തില് റോഡിലുള്ള വസതിയില് പൊതുദര്ശനത്തിന് വയ്ക്കും. 11ന് ചങ്ങമ്പുഴ റോഡിലുള്ള ഇടപ്പള്ളി ശ്മശാനത്തില് സംസ്കാര ചടങ്ങുകള് നടക്കും.
വിവിധ സംഘ പരിവാര് പ്രസ്ഥാനങ്ങളുടെയും ബിജെപിയുടെയും സജീവ പ്രവര്ത്തകനായിരുന്നു. ജന്മഭൂമി കൊച്ചി യൂണിറ്റില് ചീഫ് സബ് എഡിറ്ററായി പ്രവര്ത്തിച്ചിട്ടുണ്ട്. ജന്മഭൂമിയുടെ സംസ്കൃതി പേജില് ഏറെക്കാലം ജ്യോതിഷ പംക്തി കൈകാര്യം ചെയ്തിരുന്നു. കേരള ക്ഷേത്ര സംരക്ഷണ സമിതി കണയന്നൂര് താലൂക്ക് സെക്രട്ടറിയായിരുന്നു. ഇടപ്പള്ളി സെന്ട്രല് എന്എസ്എസ് കരയോഗം ഖജാന്ജി, അമൃതഭാരതി, ബാലഗോകുലം എന്നിവയിലും സജീവ സാന്നിധ്യമായിരുന്നു. ഭാര്യ: എസ്. ഗിരിജാമണി. മക്കള്: ദര്ശന് കുമാര് പി.ജെ. (ടൗണ് പ്ലാനര് – പ്രയാഗ്രാജ്), ദിവ്യശ്രീ പി.ജി. (എന്ജിനീയര്), മരുമകള്: സൃഷ്ടി മെഹ്ര (എന്ജിനീയര് – ഉത്തരാഖണ്ഡ്).
