ലക്നൗ : സമാജ് വാദി പാർട്ടിയിൽ ചേർന്നതിന് പിന്നാലെ മരുമകൻ ഷായാൻ മസൂദ് മകളെ വീട്ടിൽ നിന്ന് പുറത്താക്കിയതായി കോൺഗ്രസ് എംപി ഇമ്രാൻ മസൂദ് . മകൾ ഇപ്പോൾ തന്റെ വീട്ടിൽ തന്നെയാണ് താമസിക്കുന്നത്, ആ കുടുംബ വിള്ളലിന് രാഷ്ട്രീയമാണ് ഉത്തരവാദിയെന്നും അദ്ദേഹം പറയുന്നു.
തന്റെ മകളുടെ ദാമ്പത്യം തകരുന്നതിന്റെ വേദന പ്രകടിപ്പിച്ച ഇമ്രാൻ മസൂദ്, രാഷ്ട്രീയത്തിന് അതിന്റേതായ സ്ഥാനമുണ്ടെങ്കിലും കുടുംബബന്ധങ്ങൾ അതിന്റെ ഇരകളാകുന്നത് വളരെ ദാരുണമാണെന്നും പറഞ്ഞു.
“സ്വന്തം മകൾ ഒരു ചെറിയ കുട്ടിയുമായി വീട്ടിൽ ഇരിക്കുന്നത് കാണുന്ന ഒരാൾക്ക് മാത്രമേ ആ വേദനയും കഷ്ടപ്പാടും ശരിക്കും മനസ്സിലാക്കാൻ കഴിയൂ. ഇത് ഒരിക്കലും രാഷ്ട്രീയത്തിന്റെ ഭാഗമായി മാറാൻ പാടില്ലായിരുന്നു.സമാജ്വാദി പാർട്ടിയിൽ ചേരുന്നത് ഒരു കുറ്റകൃത്യമല്ല; എന്റെ മകളെ ഉപേക്ഷിക്കുന്നതാണ് തെറ്റ്“
