കൊച്ചി: കാലടി സംസ്കൃത സര്വകലാശാല താത്കാലിക വി സി ഡോ സിസ തോമസിനെ കയ്യേറ്റം ചെയ്ത കേസില് പ്രതികളായ 17 എസ് എഫ് ഐ പ്രവര്ത്തകരുടെ അറസ്റ്റ് രണ്ടാഴ്ചത്തേക്ക് തടഞ്ഞ് ഹൈക്കോടതി. എസ്എഫ്ഐ പ്രവര്ത്തകരായ വിദ്യാര്ത്ഥികളുടെ ഹര്ജിയിലാണ് ഹൈക്കോടതി നടപടി.
കേസില് പൊലീസ് റിപ്പോര്ട്ട് ആവശ്യപ്പെട്ട കോടതി ജാമ്യഹര്ജിയില് വിശദ വാദം കേള്ക്കാന് മാറ്റി. ആഗസ്റ്റ് 13 ന് ക്യാമ്പസില് നടന്ന സംഭവത്തില് ആദ്യമെടുത്ത കേസില് ഗുരുതര കുറ്റങ്ങളുണ്ടായിരുന്നില്ല.എന്നാല് മൂന്ന് ദിവസത്തിന് ശേഷം വി സി സിസ തോമസിന്റെ പരാതിയില് ഇതേ സംഭവത്തില് വീണ്ടും എഫ്ഐആര് ഇട്ടത് നിയമപരമല്ലെന്നാണ് എസ്എഫ്ഐ പ്രവര്ത്തകരുടെ വാദം.
വിസിയുടെ പ്രതീകാത്മക ശവസംസ്കാരം നടത്തി എന്നതടക്കം തെറ്റാണെന്നും വാദമുന്നയിച്ചു.
