തിരുവനന്തപുരം : അംഗന്വാടി വഴി വിതരണം ചെയ്യുന്ന അമൃതം പൊടിയില് പഞ്ചസാര പൂര്ണമായും ഒഴിവാക്കണമെന്ന് ബാലാവകാശ കമ്മീഷന്. കുറഞ്ഞ അളവില് ശര്ക്കര ഉള്പ്പെടുത്തുന്നത് ആലോചിക്കാമെന്നും കമ്മീഷന് നിര്ദേശിച്ചു. അമൃതം പൊടിയില് 20 ശതമാനം പഞ്ചസാര അടങ്ങിയിട്ടുണ്ട്. കുട്ടികള്ക്ക് ഇത്രയും പഞ്ചസാര ആരോഗ്യ പ്രശ്നങ്ങളുണ്ടാക്കുമെന്നു വിലയിരുത്തിയാണ് ഉത്തരവ്. പഞ്ചസാര ഒഴിവാക്കുകയോ അളവ് കുറയ്ക്കുകയോ വേണമെന്ന് വനിത-ശിശുവികസന വകുപ്പും നേരത്തെ അഭിപ്രായപ്പെട്ടിരുന്നു.
കുട്ടികളുടെ പ്രായത്തിനനുസരിച്ച് ശാസ്ത്രീയമായി അമൃതം ന്യൂട്രിമിക്സിന്റെ അളവ് നിശ്ചയിക്കണം. പാക്കേജില് പോഷക വിവരങ്ങള് രേഖപ്പെടുത്തണം. അംഗന്വാടി പ്രവര്ത്തകര്ക്കും കുട്ടികളുടെ മാതാപിതാക്കള്ക്കും ഇക്കാര്യത്തില് ബോധവല്ക്കരണം നടത്തണം.
അമൃതം പൊടിയില് 20 ശതമാനം പഞ്ചസാര, 45 ശതമാനം ഗോതമ്പ്, 15 ശതമാനം പൊരിക്കടല, 10 ശതമാനം കപ്പലണ്ടി, 10 ശതമാനം സോയചങ്ക്സ് എന്നിവയാണ് അടങ്ങിയിരിക്കുന്നത്.
അംഗന്വാടി വഴി വിതരണം ചെയ്യുന്ന അമൃതം പൊടിയില് പഞ്ചസാര വേണ്ട
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.