തിരുവനന്തപുരം: അങ്കണവാടി കൂട്ടുകാർക്ക് ബിരിയാണി ലഭിക്കാൻ കാരണക്കാരനായ ശങ്കു വീണ്ടും സോഷ്യൽ മീഡിയയിൽ താരമാവുകയാണ്. പുതിയ വനിതാ ശിശുക്ഷേമ വകുപ്പ് മന്ത്രി ബിന്ദു കൃഷ്ണയുടെ ഒരു പിഴവ് ചൂണ്ടിക്കാട്ടിയാണ് ‘ബിർണാണി’ താരം ശങ്കു വൈറലാകുന്നത്. തന്റെ മുത്തശ്ശിയുടെ പേര് മന്ത്രി തെറ്റായാണ് പറഞ്ഞിരിക്കുന്നതെന്നാണ് ശങ്കു ചൂണ്ടിക്കാട്ടിയിരിക്കുന്നത്.
കൊല്ലം ചവറയിലെ മഹിളാ കോൺഗ്രസ് ജില്ലാ സെക്രട്ടറി രാധാമണി ചേച്ചിയുടെ കൊച്ചു മോനാണ് ബിർണാണി ചോദിച്ച കുട്ടി എന്നായിരുന്നു മന്ത്രി ബിന്ദു കൃഷ്ണ പറഞ്ഞത്. എന്നാല്, രാധാമണി ചേച്ചിയുടെ കൊച്ച് മോനല്ല ഞാനെന്നാണ് ശങ്കുവിന്റെ വിശദീകരണം. ‘പുതിയ മന്ത്രി ആൻ്റി പറഞ്ഞു ഞാൻ രാധാമണി ചേച്ചിയുടെ കൊച്ചുമോനാന്ന്. ഞാൻ രാധാമണി ചേച്ചിയുടെ ഒന്നും കൊച്ചുമോനല്ല. എന്റെ അപ്പാമ്മേടെ പേര് ഓമന. എന്റെ അമ്മാമ്മേടെ പേര് റീന തങ്കപ്പൻ. ഇത്രേ ഉള്ളൂ കാര്യം എന്ന് ശങ്കു പറഞ്ഞത്.
ശങ്കുവിന്റെ പ്രതികരണം സോഷ്യൽ മീഡിയയിൽ വൈറലായിരിക്കുകയാണ്. നേരത്തെ, അങ്കണവാടിയിലെ ഭക്ഷണത്തെക്കുറിച്ച് ശങ്കുവിന്റെ വീഡിയോ വൈറലായതിനെ തുടർന്ന് അന്നത്തെ ആരോഗ്യ-വനിത ശിശുവികസന മന്ത്രി വീണാ ജോർജ് വിഷയത്തിൽ ഇടപെട്ടിരുന്നു. ഇതിന് പിന്നാലെയാണ് അങ്കണവാടിയിൽ വിദ്യാർഥികൾക്ക് ബിരിയാണി നൽകാൻ നടപടിയായത്.
ദേവികുളങ്ങര പഞ്ചായത്തിലെ പ്രയാർ കിണർമുക്കിലെ ഒന്നാം നമ്പർ അങ്കണവാടിയിലായിരുന്ന തൃജൽ എസ് സുന്ദർ എന്ന ശങ്കു പഠിച്ചിരുന്നത് ‘അങ്കണവാടിയില് ബിർനാണീം പൊരിച്ച കോഴീം’ വേണമെന്നായിരുന്നു ശങ്കുവിന്റെ ആവശ്യം. ഇതിന് പിന്നാലെയാണ് വീണ ജോര്ജ് ഭക്ഷണ മെനു പരിഷ്കരണം കൊണ്ട് വന്നത്.
