കൊച്ചി: യുവസംവിധായകന് ശ്യാമിന് ഗിരീഷും കരിക്ക് വെബ് സീരീസ് നടി നിലീന് സാന്ദ്രയും വിവാഹിതരായി. സ്പെഷ്യല് മാര്യേജ് ആക്ട് പ്രകാരമുള്ള രജിസ്റ്റര് വിവാഹത്തിന്റെ ചിത്രങ്ങള് നടി നിലീൻ സാന്ദ്ര പങ്കുവെച്ചു.
അടുത്തിടെയാണ് ‘കരിക്ക്’ വെബ് സീരീസിലൂടെ ശ്രദ്ധേയയായ നടി നിലീൻ സാന്ദ്ര വിവാഹിതയായത്. ഇതിന് മുന്നോടിയായി ഇരുവരും നേരത്തെ വിവാഹം രജിസറ്റർ ചെയ്തിരുന്നു.
2017 മുതല് നിലീന്റെസുഹൃത്താണ് ശ്യാമിൻ. കാമുകനായിട്ടല്ല, മറിച്ച് ഒരു സുഹൃത്തായിട്ടാണ് ശ്യാമിനെ ദൈവം തന്റെ ജീവിതത്തിലേക്ക് അയച്ചതെന്നും നിലീന് സാന്ദ്ര പറയുന്നു. അന്നത്തെ ആ സുഹൃത്തിനൊപ്പം ജീവിതകാലം മുഴുവന് കഴിയാന് സാധിക്കുന്നതിന്റെ സന്തോഷത്തിലാണ് നിലീന് സാന്ദ്ര.
”വലിയ വിവാഹാഘോഷങ്ങള്ക്ക് മുൻപേ, ഇങ്ങനെയൊരു കാര്യമുണ്ടായിരുന്നു. സ്പെഷല് മാര്യേജ് ആക്ട് പ്രകാരം ഞങ്ങളുടെ വിവാഹം നിയമപരമായി റജിസ്റ്റർ ചെയ്യേണ്ടിയിരുന്നതിനാല് ഈയൊരു ചടങ്ങ് ഞങ്ങള്ക്ക് ആദ്യം തന്നെ നടത്തേണ്ടതുണ്ടായിരുന്നു. പിന്നെ ഞങ്ങള് ചിന്തിച്ചു… ആ സ്ഥിതിക്ക് എന്തുകൊണ്ട് രണ്ട് മാലകള് പരസ്പരം മാറി കുറച്ച് സന്തോഷം കൂടി പങ്കുവച്ചുകൂടാ? വലിയൊരു വിവാഹത്തിന് മുന്നോടിയായി നടന്ന ഒരു കൊച്ചു വിവാഹം.”-ചിത്രങ്ങള് പങ്കുവച്ച് നിലീന് പങ്കുവെച്ച കുറിപ്പാണിത്.
കരിക്ക് ടീമിന് വേണ്ടി നിരവധി വെബ് സീരീസ് സംവിധാനം ചെയ്തിട്ടുണ്ട് ശ്യാമിന് ഗിരീഷ്. റോക്ക് പേപ്പര്, സിസേഴ്സ് സീസണ് 2, സാമര്ത്ഥ്യ ശാസ്ത്രം എന്നിവ ശ്യാമിന് ഗിരീഷ് സംവിധാനം ചെയ്ത വെബ് സീരീസുകളാണ്. സംഗീത് പ്രതാപ് നായകനാകുന്ന ‘ഇറ്റ്സ് എ മെഡിക്കല് മിറാക്കിള്’ എന്ന സിനിമയുടെ സംവിധായകനാണ് ശ്യാമിൻ ഗിരീഷ്. ഈ സിനിമയുടെ തിരക്കഥ രചിച്ചിരിക്കുന്നതും നിലീൻ സാന്ദ്രയാണ്.നിലീൻ സാന്ദ്രയും ഈ ചിത്രത്തില് ഒരു പ്രധാന വേഷം അവതരിപ്പിച്ചിട്ടുണ്ട്. “എന്റെ ബാക്കി ജീവിതം മുഴുവന് ശ്യാമിനൊപ്പം കഴിയാന് സാധിക്കുന്നതിന്റെ സന്തോഷം പറഞ്ഞറിയിക്കാന് വയ്യ. ഇപ്പോഴും താന് ഒരു കിറുക്കിയെപ്പോലെ ചിരിച്ചുകൊണ്ടിരിക്കുകയാണ്,” നിലീന് സാന്ദ്ര കുറിച്ചു.
