ന്യൂയോര്ക്ക്: ഇസ്ലാമിന്റെ പ്രശ്നമെന്തെന്ന് ഒറ്റവാക്കില് പറയാമോ എന്ന ജേണലിസ്റ്റ് മെഹ്ദി ഹസന്റെ ചോദ്യത്തിന് അത് മുസ്ലിങ്ങള് തന്നെയാണെന്ന ചുട്ടമറുപടി നല്കി കനേഡിയന് എഴുത്തുകാരി ഇര്ഷാദ് മഞ്ജി.
ഓക്സ്ഫോര്ഡ് യൂണി. സംവാദത്തില് മുസ്ലിങ്ങളുടെ പ്രിയങ്കരനായ മാധ്യമപ്രവര്ത്തകനായ മെഹ്ദി ഹസന് തകര്ന്നടിഞ്ഞു. ഇസ്ലാമിനെ പിന്തുണയ്ക്കുന്ന മെഹ്ദി ഹസന് എന്ന ജേണലിസ്റ്റിനെ ഓക്സ്ഫോര്ഡ് യൂണിയന് സംവാദത്തില് തറപറ്റിച്ച് എഴുത്തുകാരി ഇര്ഷാദ് മഞ്ജി. ഇസ്ലാമിനെ ന്യായീകരിച്ച് പല വാദമുഖങ്ങളും മെഹ്ദി ഹസന് ഉയര്ത്താന് ശ്രമിച്ചെങ്കിലും ഇര്ഷാദ് മഞ്ജി യുക്തിയുക്തമായ വാദങ്ങളിലൂടെ എല്ലാം തകര്ത്തു.
ആര്ക്കും ഉപദ്രവമുണ്ടാക്കരുതെന്നത് ഒരു പൊതുതത്വമാണ്. രോഗികള്ക്ക് ഉപദ്രവമുണ്ടാക്കുന്ന ഡോക്ടറെ നമ്മള് ശിക്ഷിക്കാറുണ്ട്. എന്നാല് ഉപദ്രവമുണ്ടാക്കുന്ന കാര്യത്തില് ഡോക്ടറെയല്ല, മുല്ലമാരെയാണ് ആദ്യം നമ്മള് ശിക്ഷിക്കേണ്ടതെന്ന് ഇര്ഷാദ് മഞ്ജി വാദിച്ചു, ഏഴാം നൂറ്റാണ്ടിലെ ഗോത്ര സംസ്കാരമാണ് ഇസ്ലാമില് ഉള്ളത്. ഇസ്ലാമിലുള്ളവരുടെ വിശ്വാസികള്ക്കിടയില് ഉള്ള വിവിധങ്ങളായ അഭിപ്രായങ്ങള് പുറത്ത് പ്രകടിപ്പിക്കാന് പറ്റാത്ത സ്ഥിതിയാണുള്ളതെന്നും ഇത്തരത്തിലുള്ള ഏഴാം നൂറ്റാണ്ടിലെ ഗോത്രസംസ്കാരമാണ് ഇസ്ലാമില് നിലനില്ക്കുന്നതെന്നും ഇത്തരമൊരു ഇസ്ലാമിനെ താന് സ്വീകരിക്കില്ലെന്നും ഗോത്രസംസ്കാരമാകരുത് ഇസ്ലാമെന്നും ഒരു മുസ്ലിം കൂടിയായ ഇര്ഷാദ് മഞ്ജി പറഞ്ഞു.
ഇസ്ലാം മതത്തെ നിര്വ്വചിക്കുന്നത് മുസ്ലിങ്ങളാണെങ്കില് ക്രിസ്ത്യന് മതത്തെ നിര്വ്വചിക്കുന്നത് ക്രിസ്ത്യാനികളാണെന്നും അവരെപ്പറ്റി ജോര്ജ്ജ് ഡബ്ല്യു ബുഷ് പറഞ്ഞ വിമര്ശനം ഞാനും പറയുമെന്ന് മെഹ്ദി ഹസ്സന് വാദിച്ചുനോക്കിയപ്പോള് ഇതിന് ചുട്ടമറുപടിയാണ് ഇര്ഷാദ് മഞ്ജി പറഞ്ഞത്. ഇസ്ലാമിനെപ്പോലെ അസഹിഷ്ണുതയും അക്രമാസക്തവും ആയ രീതിയിലാണ് ക്രിസ്ത്യാനികള് അവരുടെ മതം പിന്തുടരുന്നതെങ്കില് ല് ആ ക്രിസ്ത്യന് മതത്തെ ഞാന് വെറുക്കുമെന്നായിരുന്നു ഇര്ഷാദ് മഞ്ജി പറഞ്ഞത്. മതനിന്ദയുണ്ടെന്ന് കുറ്റപ്പെടുത്താന് മാത്രമുള്ള യാതൊന്നും ഇന്നത്തെ ക്രിസ്ത്യന് മതത്തില് ഇല്ലെന്നും എന്നാല് അങ്ങിനെകുറ്റപ്പെടുത്താന് പാകത്തിലുള്ള ധാരാളം കാര്യങ്ങള് മുസ്ലിങ്ങളില് ഉണ്ടെന്നും ഇര്ഷാദ് മഞ്ജി പറഞ്ഞതോടെ മെഹ്ദി ഹസന് പ്രതിരോധത്തിലായി.
