കോഴിക്കോട്: ബസ് യാത്രക്കിടെ ലൈംഗികമായി അതിക്രമം കാട്ടിയെന്ന യുവതിയുടെ പരാതിയില് മധ്യവയസ്കനെ പോലീസ് അറസ്റ്റ് ചെയ്തു.
ബാലുശ്ശേരി കാക്കൂര് ചാലങ്ങോട്ട് മനയില് ബിജുവാണ് (53) പിടിയിലായത്.
കോഴിക്കോട് നിന്ന് കണ്ണൂര് ഭാഗത്തേയ്ക്ക് പോകുന്ന കെ.എസ്.ആര്.ടി.സി
ബസ് മാനാഞ്ചിറ ഭാഗത്ത് എത്തിയപ്പോള് തന്റെ സ്വകാര്യ ഭാഗത്ത് സഹയാത്രികന് കൈവെച്ചുവെന്ന് പറഞ്ഞ് വടകര സ്വദേശിയായ യുവതി ബഹളം വെച്ചു. ഇതോടെ മറ്റ് യാത്രക്കാരും കണ്ടക്ടറും ചേര്ന്ന് ബിജുവിനെ തടഞ്ഞുവയ്ക്കുകയും നടക്കാവ് സ്റ്റേഷനിലെത്തിച്ച് പൊലീസിനു കൈമാറുകയുമായിരുന്നു. പ്രതിയെ കോടതിയില് ഹാജരാക്കി.
