മനാമ : ബഹ്റൈനില് ബാത്ത് ടബ്ബിലെ വെള്ളത്തില് വീണ് മലയാളി ബാലന് ദാരുണാന്ത്യം. കോട്ടയം സ്വദേശിനിയായ മേഘയുടെ ഏകമകന് ധ്യാന് സൂര്യ (3) ആണ് മരിച്ചത്. നാട്ടിലായിരുന്ന മകനെ ഓണം ആഘോഷിക്കുന്നതിനായി നാല് ദിവസം മുമ്പാണ് ബഹ്റൈനിലേക്ക് കൊണ്ടുവന്നത്. കുറച്ചുകാലമായി കുട്ടി നാട്ടിലായിരുന്നു. അമ്മ അടുക്കളയില് ജോലി ചെയ്തിരിക്കെ കുട്ടി ബാത്ത് ടബ്ബില് നിറച്ചുവെച്ചിരുന്ന വെള്ളത്തില് അബദ്ധത്തില് വീഴുകയായിരുന്നുവെന്നാണ് അറിയുന്നത്. ഉടന് ആശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹം നാട്ടിലെത്തിക്കാനുള്ള ശ്രമങ്ങള് ബഹ്റൈന് കേരളീയ സമാജത്തിന്റെ നേതൃത്വത്തില് പുരോഗമിക്കുന്നു.
