കൊച്ചി: മകളോട് നിന്റെ അച്ഛന് ആരെന്നതല്ല, നിന്റെ അച്ചാച്ചന് ആരാണെന്നത് അറിയണമെന്ന് പറയാറുണ്ടെന്ന് നടന് ധ്യാന് ശ്രീനിവാസന്. തന്നേക്കാള് പ്രധാനമായി മകള് അച്ചാച്ചനായ ശ്രീനിവാസനെ അറിയണമെന്നാണ് ധ്യാന് ഇതിലൂടെ മകളെ ഓര്മ്മിപ്പിക്കാന് ശ്രമിക്കുന്നതെന്നും ധ്യാന് ശ്രീനിവാസന്. ഒരു യൂട്യൂബ് ചാനലിന് നല്കിയ അഭിമുഖത്തിലായിരുന്നു ധ്യാന് ശ്രീനിവാസന്റെ ഈ വൈകാരിക പ്രതികരണം.
അച്ഛന് മരിച്ചിട്ട് ആറേഴ് മാസമേ ആകുന്നുള്ളൂവെന്നും അതിനാല് ഇത്തവണ ഓണമില്ലെന്നും പറഞ്ഞുകൊണ്ടാണ് മകള്ക്ക് അച്ഛാച്ചനെ കുറിച്ചുള്ള കാര്യങ്ങള് ഇടയ്ക്കിടെ പറഞ്ഞ് കൊടുക്കാറുണ്ടെന്ന് ധ്യാൻ ഓര്മ്മിപ്പിച്ചത്. .
എന്റെ മകളെ അച്ഛന് ഭയങ്കര ഇഷ്ടമായിരുന്നു. പേരക്കുട്ടികളുടെ കൂടെ കൂടുതല് സമയം ചിലവഴിക്കാനുള്ള അവസരം അച്ഛന് കിട്ടിയില്ലെന്ന് തോന്നുന്നുണ്ട്. മോള് സ്കൂളിലെ ആവശ്യത്തിനായി കഥ എഴുതി കൊണ്ട് വരുമ്പോഴും അത് എന്നെ വായിച്ച് കേള്പ്പിക്കുമ്പോഴും ഞാൻ പറയും. ഇങ്ങനെയുള്ള കൂറ കഥകള് ഒന്നും എഴുതി കൊണ്ട് വരരുത്. നിന്റെ അച്ഛന്റെ അച്ഛൻ ആരാണെന്നുള്ളത് നീ വല്ലപ്പോഴും ഓർക്കണം എന്നൊക്കെ. വലിയ മനുഷ്യനായിരുന്നു അച്ഛാച്ചൻ എന്നൊക്കെ ഞാൻ ഇടയ്ക്ക് മോള്ക്ക് പറഞ്ഞ് കൊടുക്കും. നിന്റെ അച്ഛൻ ആരാണ് എന്നുള്ളത് അല്ല നിന്റെ അച്ഛാച്ചൻ ആരാണ് എന്നത് അറിയണം എന്നും മോളോട് ഞാൻ പറയും.
നീ എന്ത് ചെയ്യും മുമ്പ് അച്ഛാച്ചനെ കുറിച്ച് ഓർക്കണമെന്നും ഇടയ്ക്ക് പറഞ്ഞ് കൊടുക്കും. ഞാനോ അച്ഛന്റെ പേര് പലപ്പോഴായി നശിപ്പിച്ചു. ഇനി നീയും കൂടി അച്ഛാച്ചന്റെ പേര് നശിപ്പിക്കരുതെന്ന് മോളോട് പറയും. എല്ലാ തിരക്കും മാറ്റിവെച്ച് മാതാപിതാക്കള്ക്കൊപ്പം ചിലവഴിക്കാൻ ഒരു സമയം വരും അപ്പോള് അവർക്കൊപ്പം സമയം ചിലവഴിക്കാമെന്ന് കരുതിയാല് അങ്ങനൊരു സമയം ഇല്ല.അല്ലെങ്കില് അങ്ങനൊരു സമയം വരാൻ പോകുന്നില്ല. അവർക്ക് ആരോഗ്യപ്രശ്നങ്ങള് വരും അവശതകള് ഉണ്ടാകും എന്നുമാണ് ധ്യാൻ പറഞ്ഞത്.
