കോഴിക്കോട്: കോണ്ഗ്രസ് പാര്ട്ടി പൂര്ണ്ണമായും നിശ്ചലാവസ്ഥയിലാണെന്ന് മുന് കെപിസിസി അധ്യക്ഷന് മുല്ലപ്പളളി രാമചന്ദ്രന്റെ വിമര്ശനം. പുതിയ കെപിസിസി അധ്യക്ഷനെ ഉടന് നിയമിക്കണമെന്ന് അദ്ദേഹം ആവശ്യപ്പെട്ടു. നിലവിലുള്ള എംപിമാരേയോ എം എല് എമാരെയോ അധ്യക്ഷ സ്ഥാനത്തേയ്ക്ക് പരിഗണിക്കരുതെന്നും മുല്ലപ്പള്ളി പറഞ്ഞു.
പുതിയ യുഡി എഫ് സര്ക്കാര് അധികാരത്തില് വന്നിട്ടും കഴിഞ്ഞ മൂന്ന് മാസമായി സംസ്ഥാനത്തെ കോണ്ഗ്രസ് പാര്ട്ടി പൂര്ണ്ണമായും നിശ്ചലാവസ്ഥയിലാണ്. പാര്ട്ടിക്ക് താല്ക്കാലികമായോ അഡ്ഹോക്ക് രീതിയിലോ ഉള്ള ആളെയല്ല, മറിച്ച് മുഴുവന് സമയവും പ്രവര്ത്തിക്കുന്ന ഒരു അധ്യക്ഷനെയാണ് ആവശ്യം. കോണ്ഗ്രസില് ‘ഒരു വ്യക്തി, ഒരു പദവി’ എന്ന തത്വം പരമാവധി പിന്തുടരുന്നതാണ് ഉചിതം. അഖിലേന്ത്യാ കോണ്ഗ്രസ് കമ്മിറ്റിയും സംഘടനയുടെ ചുമതലയുള്ള ജനറല് സെക്രട്ടറി കെ.സി. വേണുഗോപാലും ഈ വിഷയത്തില് ഗൗരവമായി ഇടപെട്ട് ഉടന് തീരുമാനമെടുക്കുമെന്ന് പ്രതീക്ഷിക്കുന്നുവെന്നും മുല്ലപ്പള്ളി പറഞ്ഞു.
