തൃശൂര്: മഞ്ഞില് വിരിഞ്ഞ പൂക്കള് എന്ന സിനിമയിലൂടെ കടന്നുവന്ന ശങ്കര് എന്ന നടന് പക്ഷെ സിനിമയില് നിര്ഭാഗ്യവാനായിരുന്നു. ആ സിനിമയിലെ വില്ലനായ മോഹന്ലാല് പിന്നീട് നായകനായി മാറുന്നതാണ് മലയാളം കണ്ടത്.
പക്ഷെ ശങ്കര് ഇന്ന് സന്തുഷ്ടനാണ്. സ്വാഭാവികമായ സൗന്ദര്യത്തോടെ ശങ്കര് ഇപ്പോഴും ആരാധകരുടെ മനസ്സ് കവരുന്നു. മാത്രമല്ല, ശങ്കറിന് ജീവിതത്തില് താങ്ങും തണലുമായത് ഒറ്റപ്പാലം സ്വദേശിനിയായ ചിത്രയാണ്. ബ്രിട്ടനില് ഡാന്സ് സ്കൂള് നടത്തുന്ന സ്ത്രീയാണ് ചിത്ര. ഇരുവരും തമ്മില് ഒരു അകന്ന ബന്ധമുണ്ട്.
നടന് ശങ്കര് കൂടെക്കൂടെ ചിത്രയുടെ ഒറ്റപ്പാലത്തുള്ള വീട്ടില് പോകാറുണ്ടായിരുന്നു. അവിടുത്തെ കുടുംബ കൂടിക്കാഴ്ചകള്ക്കിടയില് ഇരുവരും അടുക്കുകയായിരുന്നു. പ്രണയമല്ല, പകരം പ്രായോഗിക ജീവിതത്തിന് ഒരു കൂട്ട് വേണമെന്ന ചിന്തയായിരുന്നു ചിത്രയ്ക്ക് അങ്ങിനെ ചിത്രയും ശങ്കറും ഒരു വിവാഹ ജീവിതത്തിലേക്ക് എത്തുകയായിരുന്നു.
