ഗുരുവായൂര്: ചിങ്ങത്തിലെ ഉത്രാട ദിനമായ ഇന്നലെ ഗുരുവായൂര് ശ്രീകൃഷ്ണസ്വാമി ക്ഷേത്രത്തില് കാഴ്ചക്കുല സമര്പ്പണം നടന്നു. ശീവേലിക്ക് ശേഷം മേല്ശാന്തി തെക്കുംപറമ്പത്ത് നാരായണന് നമ്പൂതിരി ആദ്യ കാഴ്ചക്കുല സമര്പ്പിച്ചു.
ഭക്തര് വഴിപാടായി നല്കുന്ന കാഴ്ചക്കുലകള് ക്ഷേത്രാവശ്യങ്ങള്ക്കും അന്നദാനത്തിനും ദേവസ്വം കൊമ്പന്മാരുടെ ഭക്ഷണത്തിനുമായാണ് ഉപയോഗിക്കുക. കാഴ്ചക്കുല സമര്പ്പണത്തിനായി നിരവധി ഭക്തരാണ് തലേന്ന് രാത്രി മുതല് ഗുരുപവനപുരിയില് എത്തിയത്. ദേവസ്വം മന്ത്രി കെ. മുരളീധരന്, ബിജെപി ദേശീയ സെക്രട്ടറി കെ. സുരേന്ദ്രന് തുടങ്ങിയവരും കാഴ്ചക്കുല സമര്പ്പിച്ചു.
