ബംഗളൂരു: ബിജെപി എംഎല്എ ബൈരതി ബസവരാജിന്റെ ജാമ്യം റദ്ദാക്കണമെന്ന ആവശ്യവുമായി കര്ണാടക ഹൈക്കോടതിയെ സമീപിച്ച സംസ്ഥാന സര്ക്കാരിന് തിരിച്ചടി. ബസവരാജിന് നല്കിയ ജാമ്യത്തില് ഇടപെടാന് ജസ്റ്റിസ് എം നാഗപ്രസന്ന വിസമ്മതിക്കുകയും സംസ്ഥാന സര്ക്കാരിന്റെ ഹര്ജി തള്ളുകയും ചെയ്തു.
റൗഡി ലിസ്റ്റില് പെട്ട ബിക്ളു ശിവു കൊലക്കേസുമായി
ബന്ധപ്പെട്ട് ബൈരതി ബസവരാജിനെതിരെ ഉന്നയിച്ച തെളിവുകള് ദുര്ബലമെന്ന് ചൂണ്ടിക്കാട്ടി വിചാരണ കോടതിയാണ് ജാമ്യം അനുവദിച്ചത്. കൂടുതല് ചോദ്യം ചെയ്യലിനായി അദ്ദേഹത്തെ റിമാന്ഡ് ചെയ്യേണ്ട ആവശ്യമില്ലെന്നും വിചാരണ കോടതി പറഞ്ഞു.
സംസ്ഥാനത്തെ പ്രതിനിധീകരിച്ച് സ്പെഷ്യല് പബ്ലിക് പ്രോസിക്യൂട്ടര് ബി എന് ജഗദീഷയും ബസവരാജിന് വേണ്ടി മുതിര്ന്ന അഭിഭാഷകന് സന്ദേശ് ചൗട്ടയും ഹാജരായി.
