തിരുവനന്തപുരം: ഡിവൈഎഫ്ഐ നാടകത്തിലെ നഗ്‌നതയെ പിന്തുണച്ച് സാംസ്‌കാരിക മന്ത്രി പിസി വിഷ്ണുനാഥ്. ഈ സര്‍ക്കാര്‍ കലാപ്രവര്‍ത്തകരുടെ കൂടെയാണെന്നും ആവിഷ്‌കാര സ്വാതന്ത്ര്യം സംരക്ഷിക്കണം എന്നതാണ് സര്‍ക്കാര്‍ നയമെന്നും മന്ത്രി വ്യക്തമാക്കി.
ഡിവൈഎഫ്ഐ സംസ്ഥാന സമ്മേളനത്തില്‍ അവതരിപ്പിച്ച മിസ്സ എന്ന നാടകത്തിലെ നഗ്‌നത പ്രദര്‍ശനം വലിയ വിവാദമായിരുന്നു. അടിയന്തരാവസ്ഥ കാലത്ത് പീഡനത്തെ ഇരയായ സ്‌നേഹലതാ റെഡ്ഡിയുടെ കഥയാണ് മിസ്സ. സ്‌റ്റേജില്‍ വച്ച് നടി മേല്‍വസ്ത്രം ഉരിയുന്ന രംഗങ്ങള്‍ സോഷ്യല്‍ മീഡിയയിലടക്കം ലിയ വിമര്‍ശനത്തിന് ഇടയാക്കിയിരുന്നു.
അതേസമയം നാടകത്തെ സദാചാര കണ്ണടയിലൂടെ നോക്കാന്‍ ശ്രമിക്കുന്നവര്‍ അടിയന്തരാവസ്ഥയുടെ കൊടും പീഡനങ്ങളെ മറയ്‌ക്കുകയാണെന്ന് ഡിവൈഎഫ്ഐ കുറ്റപ്പെടുത്തി.
