കോട്ടയം: ഓണഘോഷത്തിന്റെ തിരക്കിലായി നാട്. വ്യാപാര സ്ഥാപനങ്ങളിലും ഓഫീസുകളിലും വിദ്യാഭ്യാസ സ്ഥാപങ്ങളിലുമെല്ലാം ഓണത്തിന്റെ മേളപ്പൊലിമയാണ്. സ്കൂളുകളും കോളേജുകളുമെല്ലാം അടയ്ക്കും മുമ്പ് ഓണാഘോഷം കളറാക്കാനുള്ള തിരക്കിലാണ് പിള്ളേര് സംഘം. പൂക്കളം ഒരുക്കലും ഡ്രസ് കോഡും ഓണക്കളികളുമൊക്കെയായി കോളേജും സ്കൂളുമെല്ലാം വൈബിലാണ്.
ഓണപ്പരീക്ഷകള് കഴിഞ്ഞ് ഇന്നാണ് മിക്ക സ്കൂളുകളിലും ഓണാഘോഷം നടക്കുന്നത്. പലരും ഡ്രസ്സ് കോഡുകള് സെലക്ട് ചെയ്തപ്പോള് ചില ടീമുകളാകട്ടെ കളര് കോഡുകളാണ് സെലക്ട് ചെയ്തത്. ഇതെല്ലാം സംഘടിപ്പിക്കാനുള്ള ഓട്ടത്തിലാണ് രക്ഷിതാക്കളും വിദ്യാര്ത്ഥികളും. ആഘോഷങ്ങള്ക്ക് നിറപ്പകിട്ടേകാന് വസ്ത്രം മേഖലയിലും കച്ചവടം കൊഴുക്കുകയാണ്. വിലക്കുറവും വമ്പന് ഓഫറുകളും ആകര്ഷകമായ സമ്മാനങ്ങളുമായാണ് വസ്ത്ര വിപണി ഓണത്തെ വരവേല്ക്കാനൊരുങ്ങുന്നത്.
റെഡിമെയ്ഡ് ഓണ്ലൈന് വ്യാപാരം തകൃതിയായി നടക്കുന്നുണ്ടെങ്കിലും കടകളില് നേരിട്ടെത്തി വസ്ത്രം വാങ്ങിക്കുന്നവരും കുറവല്ല. പഴയ സ്റ്റോക്ക്, കുറഞ്ഞ വിലയ്ക്ക് വിറ്റഴിക്കുന്നുമുണ്ട്. ഖാദി, കൈത്തറി വസ്ത്രങ്ങള്ക്കും ഡിമാന്റേറെയാണ്. പുരുഷന്മാര്ക്കായി ലൈറ്റ് വെയിറ്റ് കോട്ടണ് കുര്ത്തകളും ഇത്തവണ വിപണിയില് സജീവമാണ്. പരമ്പരാഗതമായ മുണ്ടുകള്ക്കൊപ്പം ട്രെന്ഡിങ് ഷര്ട്ടുകളും കുര്ത്തകളും ചേര്ന്ന കോംബോ ഓഫറുകള്ക്കാണ് ആവശ്യക്കാരുള്ളത്. കഥകളി രൂപങ്ങള്, വള്ളംകളി, കസവ് ഡിസൈന് എന്നിവ പ്രിന്റ് ചെയ്ത ക്യുബന് കോളര് ഇത്തവണത്തെ പ്രധാന ആകര്ഷണമാണ്.
പകല് മഴ മാറി നില്ക്കുന്നത് ഓണവിപണിയില് എത്തുന്നവര്ക്ക് ആശ്വാസമായി. പൂക്കളമൊരുക്കാന് പൂക്കള് വാങ്ങാനെത്തുന്നവര്ക്ക് ഇത്തവണ കൈ പൊള്ളുമെന്ന് ഉറപ്പ്. തമിഴ്നാട്ടിലും മറ്റ് സംസ്ഥാനങ്ങളിലും പൂക്കളുടെ ലഭ്യത കുറഞ്ഞതാണ് വിലവര്ധനയ്ക്ക് പ്രധാന കാരണം. കിലോയ്ക്ക് 100 രൂപ മുതല് 1600 രൂപ വരെയാണ് വിവിധ പൂക്കളുടെ വില. തിരുവോണത്തിന് ദിവസങ്ങള് മാത്രം ശേഷിക്കെ വിപണിയിലെത്തുന്നവര് വില കേട്ട് അമ്പരക്കുകയാണ്. പൂക്കളുടെ രാജാവായ മുല്ലപ്പൂവിനാണ് ഇത്തവണ ഏറ്റവും ഉയര്ന്ന വില. കിലോയ്ക്ക് 1500 മുതല് 1600 രൂപ വരെയാണ് മുല്ലയുടെ നിരക്ക്.
