കോട്ടയം : ആമ്പല്‍ വസന്തത്തിനൊപ്പം വെര്‍ച്വല്‍ റിയാലിറ്റി കേന്ദ്രത്തിനും മലരിക്കലില്‍ തുടക്കമായി. മലരിക്കല്‍ ടൂറിസം കേന്ദ്രത്തില്‍ എത്തുന്നവര്‍ക്ക് ആമ്പല്‍ പൂക്കള്‍ക്കൊപ്പം ത്രിമാന ദൃശ്യാനുഭവങ്ങള്‍ നല്‍കുന്നതാണ് ഈ കേന്ദ്രം. കേന്ദ്രത്തിലെ പ്രധാന ആകര്‍ഷണമാണ് 3ഡി മൂവി തിയേറ്റര്‍.
സമുദ്രത്തിനടിയിലെ അത്ഭുതലോകം, ബഹിരാകാശം തുടങ്ങിയവ വിആര്‍ ഹെഡ്‌സെറ്റിലൂടെ അനുഭവവേദ്യമാകും. കേന്ദ്രത്തിലെ 3ഡി ഗാലറിയാണ് മറ്റൊരു പ്രധാന ആകര്‍ഷണം. ആമ്പല്‍ പാടത്തിന്റെ മുഴുവന്‍ സൗന്ദര്യവും ഒറ്റ ഫ്രെയിമിലാക്കി അവതരിപ്പിക്കുന്ന, മാര്‍ത്താണ്ഡം വരെയുള്ള സ്ഥലങ്ങള്‍ കാണാന്‍ കഴിയുന്ന ബൈനോക്കുലര്‍ വാച്ച് സൗകര്യവും ഇവിടെയുണ്ട്.
സന്ദര്‍ശകര്‍ക്കായി 3ഡി ഫോട്ടോ ബൂത്തും ഒരുക്കിയിട്ടുണ്ട്. സാധാരണ ഫോട്ടോകള്‍ 3ഡി ചിത്രങ്ങളാക്കി മാറ്റാനും കഴിയും.
എല്ലാ ദിവസവും രാവിലെ 6 മുതല്‍ രാത്രി 8 വരെ കേന്ദ്രം പ്രവര്‍ത്തിക്കും. സ്‌കൂളുകള്‍ക്കും സന്നദ്ധ സംഘടനകള്‍ക്കും മറ്റു ഗ്രൂപ്പ് ബുക്കിംഗുകള്‍ക്കും ഇളവുണ്ട്. ഫോണ്‍ : 93495 03540 / 8137963235
