കോട്ടയം: ഒന്‍പതുവയസ്സുകാരിക്കു നേരെ ലൈംഗിക അതിക്രമം നടത്തിയ 66 കാരന് 80 വര്‍ഷം കഠിന തടവും 2,60,000 രൂപ പിഴയും ശിക്ഷ വിധിച്ച് ഈരാറ്റുപേട്ട ഫാസ്റ്റ് ട്രാക്ക് സ്‌പെഷ്യല്‍ കോടതി. അയര്‍ക്കുന്നം മഹാത്മാഗാന്ധി കോളനി ഭാഗത്ത് പുത്തന്‍പറമ്പില്‍ ചെല്ലപ്പനെയാണ് ശിക്ഷിച്ചത്.
പോക്‌സോ നിയമം, പട്ടികജാതി-പട്ടികവര്‍ഗ അതിക്രമം തടയല്‍ നിയമം,ഭാരതീയ ന്യായ സംഹിത എന്നിവയിലെ വിവിധ വകുപ്പുകള്‍ പ്രകാരമാണ് ഈ സുദീര്‍ഘമായ ശിക്ഷ. പ്രതി പിഴ അടച്ചാല്‍ 2,30,000 രൂപ അതിജീവിതയ്‌ക്ക് നല്‍കാനും കോടതി ഉത്തരവിട്ടു.
2025 ഏപ്രില്‍ 28-നാണ് കേസിനാസ്പദമായ സംഭവം നടന്നത്. അയര്‍ക്കുന്നം സ്റ്റേഷനിലെ എസ്.ഐയായിരുന്ന സജു ടി. ലൂക്കോസ് രജിസ്റ്റര്‍ ചെയ്ത കേസില്‍ ഡെപ്യൂട്ടി പോലീസ് സൂപ്രണ്ടായിരുന്ന കെ.ജി. അനീഷാണ് കുറ്റപത്രം സമര്‍പ്പിച്ചത്. പ്രോസിക്യൂഷനുവേണ്ടി സ്‌പെഷ്യല്‍ പബ്ലിക് പ്രോസിക്യൂട്ടര്‍ അഡ്വ. ജോസ് മാത്യു തയ്യില്‍ ഹാജരായി.
