ആഗസ്ത് 21 വരെ ഓണ്‍ലൈനില്‍ അപേക്ഷിക്കാം
വിശദവിവരങ്ങള്‍ www.ibps.in ല്‍
ബിരുദവും കമ്പ്യൂട്ടര്‍ പരിജ്ഞാനവുമുള്ളവര്‍ക്ക് കേന്ദ്ര പൊതുമേഖലാ ബാങ്കുകളില്‍ കസ്റ്റമര്‍ സര്‍വ്വീസ് അസോസിയേറ്റ്‌സ് തസ്തികയിലേക്ക് ഇപ്പോള്‍ അപേക്ഷിക്കാം. ഐബിപിഎസ് ആണ് 2027-28 വര്‍ഷത്തെ നിയമനത്തിനായി പൊതു റിക്രൂട്ട്‌മെന്റ് നടത്തുന്നത്. വിവിധ സംസ്ഥാന/കേന്ദ്രഭരണ പ്രദേശങ്ങളിലെ 11 ബാങ്കുകളിലായി ആകെ 11403 ഒഴിവുകളുണ്ട്. അപേക്ഷ ഓണ്‍ലൈനില്‍ ഓഗസ്റ്റ് 21 വരെ സ്വീകരിക്കും.
കേരളത്തില്‍ 108, ലക്ഷദ്വീപില്‍ 11 പേര്‍ക്കാണ് അവസരം. (ബാങ്ക് ഓഫ് ബറോഡ 35, സെന്‍ട്രല്‍ ബാങ്ക് ഓഫ് ഇന്ത്യ 33, ബാങ്ക് ഓഫ് മഹാരാഷ്‌ട്ര 20, കാനറാ ബാങ്ക് 5, ഇന്ത്യന്‍ ബാങ്ക് 5, യൂക്കോ ബാങ്ക് 9, പഞ്ചാബ് നാഷണല്‍ ബാങ്ക് 1, യൂണിയന്‍ ബാങ്ക് ഓഫ് ഇന്ത്യ ഒഴിവുകള്‍ റിപ്പോര്‍ട്ട് ചെയ്തിട്ടില്ല. ലക്ഷദ്വീപില്‍- കാനറാ ബാങ്ക് 10, യൂക്കോ ബാങ്ക് 1).
പട്ടികജാതി/വര്‍ഗം, ഒബിസി നോണ്‍ ക്രീമിലെയര്‍, ഇഡബ്ല്യുഎസ്, ഭിന്നശേഷിക്കാര്‍, വിമുക്തഭടന്മാര്‍ എന്നീ വിഭാഗങ്ങള്‍ക്ക് നിശ്ചിത ഒഴിവുകള്‍ സംവരണം ചെയ്തിട്ടുണ്ട്. വിശദവിവരങ്ങളടങ്ങിയ റിക്രൂട്ട്‌മെന്റ് വിജ്ഞാപനം ംംം.ശയു.െശി ല്‍ ലഭിക്കും.
ഇനി പറയുന്ന യോഗ്യതകളുള്ളവര്‍ക്ക് അപേക്ഷിക്കാം. ഏതെങ്കിലും ഡിസിപ്ലിനില്‍ ബിരുദവും കമ്പ്യൂട്ടര്‍ പരിജ്ഞാനവും (കമ്പ്യൂട്ടര്‍ ഓപ്പറേഷന്‍സ്/ലാംഗുവേജ് സര്‍ട്ടിഫിക്കറ്റ്/ഡിപ്ലോമ/ഡിഗ്രി അല്ലെങ്കില്‍ ഹൈസ്‌കൂള്‍/കോളേജ് തലത്തില്‍ കമ്പ്യൂട്ടര്‍/ഐടി ഒരു വിഷയമായി പഠിച്ചിരിക്കണം).
വിമുക്തഭടന്മാര്‍ക്ക് (15 വര്‍ഷത്തെ സേവനം പൂര്‍ത്തിയാക്കിയിരിക്കണം). ആര്‍മി/നേവി/എയര്‍ഫോഴ്‌സ് സേനകളില്‍നിന്നും മെട്രിക്കുലേറ്റിന് സമാനമായി ലഭിച്ച സര്‍ട്ടിഫിക്കറ്റുള്ളപക്ഷം ബിരുദമില്ലെങ്കിലും അപേക്ഷിക്കാന്‍ അര്‍ഹതയുണ്ട്.
പ്രായപരിധി 1.8.2026 ല്‍ 20-28 വയസ്. എസ്‌സി/എസ്ടി/ഒബിസി-എന്‍സിഎല്‍/ഭിന്നശേഷിക്കാര്‍/വിമുക്തഭടന്മാര്‍ എന്നീ വിഭാഗങ്ങള്‍ക്ക് നിയമാനുസൃത വയസ്സിളവ് ലഭിക്കും. വിധവകള്‍ക്കും നിയമാനുസൃതമായി വിവാഹബന്ധം വേര്‍പെടുത്തി പുനര്‍വിവാഹം ചെയ്യാത്തവര്‍ക്കും 35 വയസുവരെയാകാം.
അപേക്ഷാ ഫീസ് 850 രൂപ എസ്‌സി/എസ്ടി/ഭിന്നശേഷിക്കാര്‍/വിമുക്തഭടന്മാര്‍ മുതലായ വിഭാഗങ്ങള്‍ക്ക് 175 രൂപ മതി. അപേക്ഷിക്കേണ്ട രീതിയും തെരഞ്ഞെടുപ്പ് നടപടിക്രമങ്ങളും അടക്കം കൂടുതല്‍ വിവരങ്ങള്‍ വിജ്ഞാപനത്തിലുണ്ട്.
