തിരുവനന്തപുരം ചോരച്ചാലുകള് നീന്തിക്കയറിയ പ്രസ്ഥാനം എന്ന മുദ്രാവാക്യം ഇനി എസ് എഫ് ഐ വിളിക്കരുതെന്ന് സാമൂഹ്യനിരീക്ഷകനായ ഫക്രുദ്ദീന് അലി.
ചോരച്ചാലുകള് നീന്തിക്കയറിയ പ്രസ്ഥാന എന്ന മുദ്രാവാക്യം എസ് എഫ് ഐ എന്നോ എഴുതിവെച്ച മുദ്രാവാക്യമാണ്. അന്ന് ഇടത് പ്രസ്ഥാനങ്ങള് സാമൂഹ്യമായി അടിച്ചമര്ത്തല് നേരിടുന്ന കാലഘട്ടത്തില് ആ മുദ്രാവാക്യം ശരിയായിരുന്നു. മറ്റുള്ളവര് ഉണ്ടാക്കിയ ചോരച്ചാലുകളില് ബലിയാടായി എസ്എഫ് ഐ നിന്നിട്ടുണ്ടായ കാലഘട്ടത്തില് ആ മുദ്രാവാക്യത്തിന് പ്രസക്തിയുണ്ടായിരുന്നു. പക്ഷെ ഇന്ന് എസ് എഫ് ഐ എന്നത് ചോരച്ചാലുകള് ഉണ്ടാക്കുന്ന പ്രസ്ഥാനമാണ്. അതുകൊണ്ടാണ് ഇന്ന് എസ് എഫ് ഐ ആ മുദ്രാവാക്യം വിളിക്കരുതെന്ന് പറയുന്നതെന്നും ഫക്രുദ്ദീന് അലി വിശദീകരിച്ചു.
ഒരു യൂട്യൂബ് ചാനലിന് നല്കിയ അഭിമുഖത്തിലായിരുന്നു ഫക്രൂദ്ദീന് അലിയുടെ ഈ നിരീക്ഷണം.
